Luuk 9:31 - Di Jamiekan Nyuu Testiment

³¹ Wan brait brait lait did a shain roun dem an dem did a taak bout ou Jiizas a-go ded iina Jeruusilem.

Luuk 9:31 ပူးပေါင်းရင်းမြစ်များ

Filipiyan 3:21

Im a-go yuuz im powa an kanchuol evriting. An im a-go yuuz da siem powa de an chienj wi wiik badi dem, an mek dem komiin laik fi im powaful badi.

2 Piita 1:15

An mi a-go chrai aad aad fi mek shuor se afta mi ded an gaan unu wi memba dem sitn ya siem wie.

1 Piita 5:10

Bot afta unu sofa likl, di Gad we lov unu so til, we no uol bak non a im lov fram unu, im sed wan we kaal unu fi enjai im powa we kyaahn don, kaaz unu a fala Krais Jiizas — im a-go fiks bak evriting fi unu agen, an di chos unu chos iina im, im a-go mek dat chrang chrang. Im a-go mek unu aat chrang tu, so unu kyan anggl di sofarieshan. An im a-go mek shuor se unu tan op chrang iina im no mata ou rof it mait-a get.

Revilieshan 7:14

Mi ansa im se, “Sa, yu nuo di ansa.” Den im se, “Yu si dem piipl ya, dem a di wan dem we go chuu di torbl torbl sofarieshan. Dem wash dem kluoz wait wait iina di Biebi Shiip blod.

Koloshan 3:4

A Krais Jiizas mek unu riili liv. Wen im kom bak piipl a-go si an nuo ou big an powaful im bi. Dem a-go si an nuo uu unu bi tu, kaa unu a-go de de wid im.

2 Korintiyan 3:18

An so aal a wi we bilang tu Jiizas, fi wi fies no kova op an wi kyan luk pan di Laad brait brait lait. An di Uoli Spirit we a di Laad kaaz wi fi shain brait brait tu. An muor an muor im a mek wi laik imself, til wan die wi a-go luk jos laik im.

Jan 1:29

Di neks die, Jan si Jiizas a waak kom wich paat im de. Im si im an se, “Unu luk! Si Gad Biebi Shiip de! A im a di wan we a-go mash op an tek we sin fram outa di worl!

Luuk 9:22

Im se, “Di Man we Gad Pik a-go a fi go chuu nof nof sofarieshan, an di elda, ed priis, an Laa tiicha dem a-go ton dem bak pan im, an dem a-go kil im. Bot afta chrii die paas, im a-go kom bak alaiv.”

Luuk 9:30

Aal av a sodn tuu man, Muoziz an Ilaija, shuo op an a chat wid im.

Iibruu 11:22

Kaaz Juozif did chos iina Gad, wen im did bout fi ded im did taak bout di taim wen di Izrel piipl dem did a go kom outa Iijip, an im did tel dem bout wa dem fi du wid im badi wen im ded.