Luuk 9:28 - Di Jamiekan Nyuu Testiment

²⁸ Bout iet die afta Jiizas se dis, im tek Piita, Jan an Jiemz go op iina wan moutn fi prie.

Luuk 9:28 ပူးပေါင်းရင်းမြစ်များ

Matyu 14:23

Afta im don sen we di kroud, im go op a di mountn go prie, im wan. Iivnin kom dong an a im wan did de de.

Matyu 5:1

Wen Jiizas si di kroud a piipl dem, im go op pan di mountn go sidong, an im falara dem kom tu im.

Maak 1:35

Orli orli iina di maanin, wen it did stil daak daak, Jiizas get op an go fain wan plies we nobadi no de, so im kuda tan de an prie.

Maak 6:46

Afta im tel di piipl ba-bai, im go op iina di mountn fi prie.

Luuk 3:21

Wen aal a di piipl dem did a get baptaiz, Jiizas kom fi get baptaiz tu. Wen im did a get baptaiz an a prie evn uopm op,

Luuk 5:16

Bot uol iip a taim Jiizas go we a wan plies we im kuda tan bai imself an prie.

Luuk 6:12

Wan die roun dem taim de, Jiizas go op pan wan il, an im spen di uol nait op de a prie tu Gad.

Luuk 8:51

Jiizas neva mek nobadi go iina di ous wid im, onggl Piita, Jan, Jiemz, an di pikni faada an mada wan.

Luuk 9:18

Wan taim Jiizas did de wan said a prie. Im speshal falara dem di nier im an im aks dem se, “A uu di piipl se mi bi?”

Jan 6:3

So, Jiizas go op pan wan il-said an sidong op de wid im falara dem.

2 Korintiyan 13:1

Da taim ya wen mi kom, dat a-go mek chrii taim mi kom luk fi unu. An siem laik ou it rait dong iina Gad wod se, “Ef sumadi du sopm rang, wi kyaahn jos ponish dem, tuu ar chrii sumadi we si wa apm, afi kom taak we dem si an pruuv se da sumadi de did du rang. Afta dat wi kyan ponish dem.”

Iibruu 5:7

Wen Jiizas did de ya pan ort a liv, im did prie tu Gad aad aad, di wan we kuda siev im an no mek im ded. Im krai out loud an baal yai-waata. An Gad did ier im kaaz Jiizas did ombl imself, chos iina Gad an did eva redi fi du wa Gad tel im fi du.

2 Piita 1:16

Wen wi tel unu bout di powa a wi Laad Jiizas Krais an ou im a-go kom bak, a neva no mek op tuori wi did a tel unu bout. Bot a tingz we wi si fi wiself. Wid wi uona yai dem wi did si di brait brait lait.