Luuk 9:19 - Di Jamiekan Nyuu Testiment

¹⁹ Dem ansa Jiizas se, “Som se yu a Jan di Baptis, ada piipl se Ilaija, bot yu av di wan dem we se yu a wan a di prafit dem fram wie bak wen, we ded an kom bak.”

Luuk 9:19 ပူးပေါင်းရင်းမြစ်များ

Matyu 14:2

an so im se tu im sorvant dem se, “A Jan di Baptis dis ya. Im ded an kom bak alaiv! An siek-a dis, im av powa iina im fi wok mirikl.”

Matyu 3:1

Nou iina dem die de, wan man niem Jan di Baptis kom iina di dezot paat a Judiya an staat priich Gad wod.

Maak 6:14

King Erad did ier bout aal wa Jiizas did a du, kaaz evribadi did nuo bout Jiizas. Som a di piipl dem did a se, “Im a Jan di Baptis kom bak alaiv, so a dat mek im av powa iina im fi wok mirikl.”

Maak 6:15

Som ada piipl did a se, “Im a Ilaija!” Stil som ada piipl did a se, “Im a wan prafit, laik wan a di prafit dem fram wie bak wen.”

Luuk 9:18

Wan taim Jiizas did de wan said a prie. Im speshal falara dem di nier im an im aks dem se, “A uu di piipl se mi bi?”

Luuk 9:20

“Bot wa bout unu?” Jiizas aks dem. “Uu unu tingk mi bi?” Piita ansa, “Di Krais.”

Jan 1:21

So dem aks im se, “Den a uu yu den? Ilaija?” Jan se, “Nuo, mi a no Ilaija!” “So, yu a di prafit?” Bot Jan tel dem se, “Nuo!”

Jan 1:25

Ier wa dem se tu im, “So, ef yu a no di Krais, an ef yu a no Ilaija ar di Prafit, a wa mek yu a baptaiz piipl den?”

Jan 7:40

Wen som a di piipl dem iina di kroud ier we Jiizas se, dem se, “Fi riil, da man ya a di Prafit.”

Jan 9:17

Dem ton tu di man we did blain wan neks taim an aks im se, “A fi yu yai dem im mek get beta. Wa yu afi se bout im?” So di man se tu dem se, “Im a wan prafit.”