Luuk 9:12 - Di Jamiekan Nyuu Testiment

¹² Wen iivnin a kom, Jiizas twelv apasl dem kom tu im an se, “Sen di piipl dem mek dem go iina di toun an dischrik we de nier ya-so, fi go luk fuud an som we fi tan. Kaaz notn no de out ya-so fi dem.”

Luuk 9:12 ပူးပေါင်းရင်းမြစ်များ

Matyu 15:23

Jiizas neva se a wod. Den im falara dem kom beg im se, “Ron ar we no, kaa shi jos a fala baka wi an a mek wan bag a naiz.”

Jan 6:1

Afta dis, Jiizas lef go uova tu di ada saida Gyalalii Sii wid im falara dem. (Dem kaal it Taibiiriyos Sii tu.)

Matyu 15:32

Den Jiizas kaal im falara dem tugeda an se, “Mi fiil sari fi dem piipl ya. Kaaz a uol a chrii die nou dem de ya wid mi, an dem naa notn fi nyam. Mi no waahn sen dem we onggri; neks ting dem go jrap dong a ruod.”

Matyu 14:13

Nou wen Jiizas ier dis im tek wan buot an go we anda di kwaiyat. Im go wich paat nobadi neehn de. Bot wen di piipl dem fain dat out, dem lef fi dem toun an waak go wich paat im de.

Luuk 9:11

Bot di piipl dem fain out wich paat im a go an fala im. Jiizas neehn ton dem bak, im mek dem kom, im tiich dem bout Gad kindom, an im kyuor di wan dem we sik.

Luuk 9:13

Jiizas ansa dem se, “Unu gi dem sitn fi nyam.” Dem ansa Jiizas an se, “Wi av onggl faiv bred an tuu fish. Ef wi fi fiid da kroud a piipl ya, wi afi go bai fuud.”

Filipiyan 1:19

Kaaz Jiizas Krais Spirit a elp mi, an kaaz unu a prie fi mi, mi nuo se aal a di sitn dem we apm tu mi a-go wok out so dat mi get frii.