Luuk 9:11 - Di Jamiekan Nyuu Testiment

¹¹ Bot di piipl dem fain out wich paat im a go an fala im. Jiizas neehn ton dem bak, im mek dem kom, im tiich dem bout Gad kindom, an im kyuor di wan dem we sik.

Luuk 9:11 ပူးပေါင်းရင်းမြစ်များ

Iibruu 4:16

So mek wi go tu di wan we shuo wi lov iivn duo wi no dizorv it, an no bada if-an-bot an galang laik wi fried, so im we gud an kain, wi kain tu wi an shuo wi lov iivn duo wi no dizorv it an elp wi enitaim wi niid di elp.

2 Timoti 4:2

priich Gad wod an mek shuor se yu aalwiez redi fi priich. Ef di taim rait ar it no rait, priich it siem wie. Yu afi shuo di piipl dem di rang we dem a du an put dem iina dem plies kaaz dem a sin. Yu mos tek taim wid dem wen yu a tiich dem an push dem fi du wa rait.

Ruoman 15:3

Iivn Krais Jiizas neva du di sitn dem we im du fi mek imself api. It rait iina Gad wod dat Jiizas se tu Gad se, “Wen piipl chat bad bout yu an shiem yu, aal we dem se bout yu, dem riili a se bout mi tu.”

Ruoman 10:14

Bot ef dem no biliiv iina im, ou dem fi kaal pan im? An ou dem fi biliiv iina im ef dem neva ier di mesij bout im? Ou dem fi ier ef sumadi no go priich tu dem?

Aks 28:31

an priich tu dem bout Gad kindom an tiich dem bout di Laad Jiizas Krais. An im neva fried fi tiich bout di Laad Jiizas an notn neva de de fi tap im.

Jan 6:37

Evribadi we di Faada gi mi a-go kom tu mi, an mi naa go ron dem.

Jan 4:34

“Fi mi fuud,” Jiizas se tu dem, “a fi du we di wan we sen mi kom ya waahn mi fi du, an fi finish op di wok im gi mi.

Luuk 9:2

Im sen dem out fi tel piipl bout Gad kindom an fi kyuor di sik.

Luuk 8:10

Jiizas se tu dem se, “Unu get fi andastan di siikrit sopm dem bout Gad kindom, bot fi ada piipl, mi mek wa mi se soun laik rigl. So dat, “ ‘Iivn duo dem kyan si, dem naa si; an iivn duo dem kyan ier, dem naa andastan.’

Luuk 8:1

Afta dat, Jiizas chravl fram toun tu toun an dischrik tu dischrik, a priich di gud nyuuz bout Gad kindom. Aal dem taim de, di twelv did a go roun wid im.

Luuk 5:31

Jiizas ansa dem an se, “Piipl we no sik no niid no dakta, a onggl sik piipl niid dakta.

Luuk 1:53

Im gi onggri piipl uol iip a gud sitn, bot rich piipl im sen we wid dem tuu lang an.

Matyu 21:43

“A dat mek mi tel unu se Gad kindom a-go tek we fram unu an gi di piipl dem we a-go bier fruut.

Matyu 21:31

“So tel mi, wich wan a dem du wa im faada waahn?” Dem se, “Di fos wan.” So Jiizas se tu dem se, “Mi tel unu dis, an a chuu mi a taak, taks kalekta an seks woka a-go go iina Gad kindom bifuo unu!

Matyu 14:14

Wen Jiizas kom outa di buot, im si di iip a piipl dem, an did fiil sari fi dem an im mek aal a uu did sik fi dem get bak beta.

Ruoman 10:17

So den, piipl kyan onggl kom fi biliiv wen dem ier di mesij, an dem kyan onggl ier, ef sumadi go priich tu dem bout Krais Jiizas.

Matyu 12:15

Bot Jiizas did nuo se dem a plan fi kil im an lef de-so. Wan bag a piipl fala im, an im get di uol a dem beta.

Luuk 9:10

Di apasl dem kom bak an tel Jiizas aal a wa dem du. Den Jiizas tek dem an slip we go a wan toun niem Betsieda.

Luuk 9:12

Wen iivnin a kom, Jiizas twelv apasl dem kom tu im an se, “Sen di piipl dem mek dem go iina di toun an dischrik we de nier ya-so, fi go luk fuud an som we fi tan. Kaaz notn no de out ya-so fi dem.”