Luuk 8:46 - Di Jamiekan Nyuu Testiment

⁴⁶ Bot Jiizas se, “Sumadi toch mi man. Mi nuo, kaaz mi fiil powa gaan outa mi.”

Luuk 8:46 ပူးပေါင်းရင်းမြစ်များ

Luuk 6:19

Evribadi did a chrai fi toch Jiizas, kaaz di powa fi kyuor dem did a kom fram im.

Luuk 5:17

Wan die wen Jiizas did a tiich, som Farisii an som a di Laa tiicha dem did sidong a lisn tu im. Dem kom fram evri dischrik iina Gyalalii, Judiya an Jeruusilem. Pan da die de Gad gi Jiizas di powa fi mek di sik piipl dem beta.

1 Piita 2:9

Bot unu a wan set a piipl we Gad pik. Unu a di king priis — an Gad a di king. Unu a wan speshal piipl we Gad tek fi kom ton fi im uona piipl dem. Im pik unu so unu kyan tel ada piipl ou big im bi an ou gud im bi. Kaaz a im sed wan tek unu outa daaknis an kom put unu iina im brait brait lait.

Luuk 8:47

Di uman si se shi kudn aid, so shi jrap arself a Jiizas fut a chrimbl. Shi tel Jiizas wa mek shi toch im an ou shi get beta siem taim. Shi tel Jiizas dis infronta evribadi.