Luuk 8:41 - Di Jamiekan Nyuu Testiment

⁴¹ Siem taim wan man niem Jairos, we inchaaj a di Juu dem choch, kom niil dong infronta Jiizas, an beg im fi kom a im yaad.

Luuk 8:41 ပူးပေါင်းရင်းမြစ်များ

Aks 18:8

Krispos uu a di liida fi di Juu dem choch an evribadi iina im ous biliiv iina di Laad. An nof a di Korintiyan piipl dem we ier biliiv tu an get baptaiz.

Aks 13:15

Afta sumadi riid fram di Laa buk an fram di Prafit dem, di liida dem fi di Juu dem choch sen wan mesij tu dem se, “Breda, ef unu av wan mesij we kyan elp bil op di piipl dem unu taak op.”

Luuk 13:14

Di ed man fi di Juu dem choch did beks kyaahn don, kaaz Jiizas get ar beta pan di Sabat. So im se tu di piipl dem, “Siks die de iina di wiik fi wok. Kom get beta pan wan a dem de die de, no dwi'it pan di Sabat!”

Luuk 8:49

Jiizas did stil a taak wen sumadi kom fram Jairos yaad an tel Jairos se, “Yu gyal pikni ded, no bada di tiicha agen.”

Revilieshan 5:8

Afta im tek it, di fuo laiv sitn dem an di twenti-fuo elda dem fling dong demself infronta di Biebi Shiip. Evri wan a dem did av wan aap an wan guol boul ful-a som spais we dem bon we sumel swiit. Da spais de a riili di prieya a Gad piipl dem.

Aks 18:17

So dem grab Sostoniiz, di ruula fi di Juu dem choch, an staat biit im infronta di kuot ous. Bot Gyaliyo neva pie dem no main.

Aks 9:38

Lida neva faar fram Japa. So wen di piipl we biliiv iina Jiizas ier se Piita did de a Lida, dem sen tuu man tu im wid wan mesij se “Ori op kum ya kwik kwik!”

Luuk 17:16

Im chuo imself a Jiizas fut an tangk im. An im a did wan Samaritan.

Luuk 5:8

Wen taim Saiman Piita si aal a dis, im jrap dong a Jiizas fut an se, “Kip we fram mi Laad kaaz mi a wan man we du nof rang!”

Jan 11:21

“Laad,” Maata se tu Jiizas, “ef yu did de ya, mi breda wudn ded.

Luuk 8:42

Im did a beg Jiizas kaaz im wan an onggl gyal pikni did a ded. Shi did bout twelv. Wen Jiizas did a chrai fi go a Jairos yaad, di piipl dem did a pres gens im.