Luuk 8:31 - Di Jamiekan Nyuu Testiment

³¹ Di diiman dem did a beg Jiizas no fi tel dem fi go dong a di diiman prizn — di pit we naa no batam.

Luuk 8:31 ပူးပေါင်းရင်းမြစ်များ

Matyu 25:41

“Den di king a-go se tu aal uu de pan im lef-an-said se, ‘Gwe fram saida mi! Gwaan go bon op iina di faiya we a bliez fi eva an eva. A it Gad did fiks op fi di devl an im ienjel dem, bot im a sen unu go de tu!

Revilieshan 19:20

Bot di wail animal an di faalz prafit we did du di mirikl dem fi di wail animal get kyapcha. Di faalz prafit did yuuz di mirikl dem fi fuul op di piipl dem we did tek di maak a di wail animal an we worship di sitn we luk laik im. Di tuu a dem get fling dong iina di liek a faiya we a bon wid solfa.

Revilieshan 17:8

Di wail animal we yu did si, did alaiv wan taim bot im ded nou. Im a-go kom op outa di diip diip singk uol we na'av no batam, an Gad a-go don im. Aal a di piipl dem pan ort uufa niem no rait dong iina di buk bifuo di worl mek, dem a-go shak wen dem si di wail animal, kaaz im did de ya bifuo, bot im did ded, an im a-go kom bak alaiv. Da buk de av iin di niem a di piipl dem we riili a liv.

Revilieshan 11:7

Wen dem don se aal wa Gad waahn dem fi se, di wail wail animal we kom op outa di diip diip pit we no av no batam gweehn atak dem, an biit dem an kil dem.

Revilieshan 9:11

Dem did av wan king. A im a di ienjel fi di pit. Iina di Iibruu langwij, im niem Abadan. An iina di Griik langwij im niem Apaliyan.

Luuk 8:28

Wen di man spat Jiizas, im baal out an jrap imself infronta Jiizas. Im shout out pan tap a im vais, “Lef wi no Jiizas, di Muos Ai Gad Pikni! Du mi a beg yu, no mek mi sofa!”

Luuk 8:32

Nou wan uol iip a ag did a nyam pan di il-said. Di diiman dem beg Jiizas fi mek dem go iina di ag dem. Jiizas mek dem gwaan.

Ruoman 10:7

“No aks niida, ‘A uu a-go go dong wich paat di ded piipl dem spirit de?’” (An wen unu a aks dat, wa unu riili a aks a uu a-go go dong de go tek Krais Jiizas fram mongks di ded piipl an bring im bak op ya.)