Luuk 8:18 - Di Jamiekan Nyuu Testiment

¹⁸ Lisn gud! Enibadi we andastan wa mi tiich a-go andastan muor; bot di wan dem we no andastan, iivn di sitn dem we dem tingk dem andastan, dem naa go andastan no muor.”

Luuk 8:18 ပူးပေါင်းရင်းမြစ်များ

Matyu 13:12

Kaaz enibadi we andastan di siikrit sopm dem bout Gad kindom, Gad a-go mek dem andastan muo, bot enibadi we no andastan, aal di likl we dem did andastan, Gad a-go tek we dat fram dem.

Matyu 25:29

Kaaz di wan we av, a-go get muo. Bot di wan we na'av notn, aal we im av a-go get tek we fram im.

Maak 13:14

“Bot wen unu si di wikid wikid sitn we go gens Gad tan op iina Gad ous — mek shuor se evribadi we riid dis ya andastan we it miin — den dem we liv iina Judiya fi ron we go iina di mountn dem.

Luuk 19:26

“Di King se, ‘Mi a tel unu, di wan we av, wi get muo, bot di wan we no av notn, iivn wa im av dem a-go tek we fram im.

Luuk 9:44

“Ier wa mi a se an unu lisn mi gud! Dem a-go tek di Man we Gad Pik an gi im uova tu piipl we iet im.”

Jan 15:2

Im brok aaf aafa mi aal a di lim dem we no bier fruut. An im chrim op di lim dem we bier fruut so dat dem kyan bier muo.

Aks 10:33

So mi sen fi yu siem taim, an mi riili api se yu nais inof fi kom. Gad de ya wid wi an aal a wi wel waahn fi ier evriting we Gad tel yu fi tel wi.”

Aks 17:11

Di Juu dem we de a Tesalonaika did lak op dem main gens Gad mesij. Bot di wan dem we de a Beriya, dem lisn gud kaaz dem did wel waahn ier di mesij. So evridie dem luk aad aad iina Gad wod fi si ef wa Paal did a se mach op wid wa rait dong iina Gad wod.

Ruoman 12:3

Kaaz a di gif we Gad gi mi, mi a tel unu: No bada tingk se unu muor dan wa unu riili bi. Insted-a dat unu fi ombl unuself an joj unuself bies pan di fiet we Gad gi unu.

1 Korintiyan 14:37

Ef enibadi se dem a wan a di piipl we kyari mesij chriet fram Gad ar dat dem av wan a di gif dem we di Uoli Spirit gi, dem fi si se wa mi a rait iina da leta ya, a di siem ting we Gad se wi fi du.

1 Korintiyan 3:18

No bada fuul unuself. Ef unu tingk unu waiz jos chuu di piipl we no biliiv iina Gad se so, mi a tel unu a beta unu ton fuul so dat unu kyan riili get waiz.

1 Korintiyan 8:2

Di piipl dem we tingk se dem nuo sopm no riili nuo it yet laik ou dem fi nuo it.

Filipiyan 3:4

Mi dipen pan Gad iivn duo mi av nof sitn we mi kuda buos bout ef mi did waahn buos. Ef nobadi tingk se dem av notn fi buos bout, mi av nof muor.

Iibruu 2:1

Siek-a dat, wi afi lisn di Gud Nyuuz we wi did ier nou muo dan wi yuus tu, so wi no chrie.