Luuk 8:14 - Di Jamiekan Nyuu Testiment

¹⁴ Di wan dem we jrap iina makabush, a di piipl we ier Gad wod, bot dem staat fret bout laif an aal dem kyan tingk bout a ou fi mek moni an ou fi enjai demself. Dem mek dem sitn de chuok dem so dem no bier no raip fruut.

Luuk 8:14 ပူးပေါင်းရင်းမြစ်များ

1 Timoti 6:17

Waan di rich piipl dem se dem no fi gwaan laik dem beta dan enibadi els jos chuu dem av moni. Dem no fi put dem chos iina moni niida kaaz moni kom an moni go. Wa dem fi du a put dem chos iina Gad kaaz im wi gi wi aal we wi niid fi liv api.

Maak 4:19

bot chuu dem a fret bout laif, chuu aal dem kyaahn tingk bout a ou fi mek moni an get rich, an chuu dem waahn muo an muo tingz, dem sitn de blak Gad wod, so it no du notn difrant iina dem laif.

Matyu 13:22

Di wan we jrap iina makabush, a uu ier Gad wod bot im staat fret bout laif, an aal im kyan tingk bout a ou fi mek moni an get rich. Dem sitn de blak Gad wod, so it no du notn difrant iina dem laif.

Luuk 21:34

“Wach out an no spen di uol a unu taim a nyam an jringk, an a fret bout laif, ar da die de a-go kriip op an kech unu laik wan chrap.

Luuk 8:7

Ada siid jrap mongks makabush, an wen dem pap op, di makabush chuok dem.

2 Timoti 4:10

Kaaz Diimas gaan lef mi an gaan dong a Tesalonaika, kaaz im lov da worl ya. Kresens gaan a Gyaliesha an Taitos gaan a Dalmatiya.

Jan 15:6

Ef sumadi no tan pan mi, dem komiin laka di lim dem we get fling we an den jrai op. Piipl pik op dem lim de, fling dem iina faiya an bon dem op.

Luuk 16:13

“No sorvant kyaahn sorv tuu maasta. Yu wi iet wan an lov di ada wan, ar yu wi ron go du eniting we wan waahn bot no tuu bizniz wid di ada wan. Unu kyaahn sorv Gad an moni.”

Luuk 8:13

Di siid dem we jrap pan di grong we bier rakstuon de, a piipl we glad fi Gad wod, biliiv Gad wod fi likl bit, bot siem laik di plaant dem uufa ruut no go dong diip iina di grong, dem no mek Gad wod go diip iina dem aat. Dem biliiv fi likl bit, bot wen taim kom fi dem get tes, dem ton bak — siem laik ou di plaant jrai op an ded.

Luuk 8:15

Di wan dem we jrap pan gud grong, a di piipl dem uufa aat riili gud. Dem ier di wod an uol aan pan it. Aal wen aad taim kom, dem stil bier fruut.

Iibruu 6:1

So, mek wi muuv op man, an muuv paas di sitn dem we wi don tiich unu bout Krais Jiizas. Mek wi gruo paas dem sitn de, so wi kyan tiich unu siem laka ou wi wuda tiich piipl we chrang iina wa dem biliiv iina. Wi shudn afi tiich unu agen se piipl fi beg Gad paadn, chienj dem wiez an tap du di sitn dem we naa riili elp dem at aal, an dat dem fi biliiv iina Gad. Wi tiich unu dem sitn de wen unu did jos staat fala Jiizas.