Luuk 7:37 - Di Jamiekan Nyuu Testiment

³⁷ Wan sina uman iina di toun ier se Jiizas de a di Farisii yaad, so shi go de wid wan likl stuon jaar a dier porfyuum.

Luuk 7:37 ပူးပေါင်းရင်းမြစ်များ

Luuk 5:32

Mi no kom ya fi tel piipl we du rait fi ton fram dem sin, a piipl we du rang mi kom ya fa.”

Matyu 21:31

“So tel mi, wich wan a dem du wa im faada waahn?” Dem se, “Di fos wan.” So Jiizas se tu dem se, “Mi tel unu dis, an a chuu mi a taak, taks kalekta an seks woka a-go go iina Gad kindom bifuo unu!

1 Piita 4:18

An jos laik unu si iina Gad wod, “Ef Gad piipl we im a-go siev afi go chuu so moch chraiyal an chibilieshan, den a wa a-go apm tu di wikid piipl dem we no bizniz bout Gad an di sina dem?”

1 Timoti 1:9

Wi andastan se di Laa neva mek fi gud piipl bot fi piipl we a kriminal an di wan dem we wudn fiil no wie ef dem brok di Laa. It mek fi piipl we no worship di chuu Gad an di sina dem, fi di wan we no fala no kain-a gad an di wan dem we kos Gad. Di Laa mek fi di mordara dem — aal di wan dem we wuda kil dem uona mada an faada.

Luuk 18:13

“Bot di taks kalekta tan faar. Im wudn iivn luk op a evn. Im biit im ches an im se, ‘Gad, tek piti pan mi, wan sina.’

Luuk 5:30

Bot di Farisii an di Laa tiicha dem, komplien tu Jiizas speshal falara dem se, “Wa mek unu a nyam an jringk wid di taks kalekta an rang-duwa dem?”

Ruoman 5:8

Bot Gad shuo wi umoch im lov wi wen im sen Jiizas Krais fi ded fi wi, iivn duo wi a did sina.

Jan 11:2

(A da Mieri ya did chuo porfyuum ail pan di Laad an waip aaf im fut dem wid ar ier. A fi ar breda Lazaros did sik.)

1 Timoti 1:15

Nou lisn mi gud kaaz wa mi bout fi tel yu a no no lai bot a chuu sopm we di uol a wi fi tek an biliiv: Jiizas kom iina di worl fi siev sina. Luk pan mi, mi a did di wos kain-a sina an Gad siev mi.

Jan 9:31

Wi nuo se Gad no lisn tu piipl we a sina. Im lisn tu dem we rispek im, an du we im se.

Jan 9:24

So di Juu liida dem kaal di man we did blain wan muo taim. “Taak di chuut an shiem di devl,” dem se. “Wi nuo se di man we mek yu get beta a sina man.”

Luuk 19:7

Di piipl si dis an dem staat grombl, “Im gaan go tan a wan sina man yaad.”

Luuk 7:34

Di Man we Gad Pik kom a nyam an a jringk, an unu se, ‘Luk ya, da man ya krievn an im a wan jongkad. Fi'im fren dem a taks kalekta an sina.’

Luuk 7:36

Wan Farisii invait Jiizas fi kom kom nyam dina wid im, so Jiizas go a im yaad an sidong fi nyam.