Luuk 7:24 - Di Jamiekan Nyuu Testiment

²⁴ Afta Jan mesinja dem gaan, Jiizas staat taak tu di kroud bout Jan, “Wa kain-a sumadi unu did go out iina di dezot fi si? Sumadi we kyaahn mek op im main laik taal graas we di briiz a bluo dis ya wie an dat de wie?

Luuk 7:24 ပူးပေါင်းရင်းမြစ်များ

Ifiijan 4:14

Wen da taim de kom, wi naa go komiin laik likl pikni we iizi fi get fuul op. Wi naa go komiin laik wan likl buot we di sii pich aal bout, ar we briiz bluo aal uova di plies. No laiyad, jinal tiicha kyaahn kom chrik wi ar fuul wi op.

Luuk 3:2

Anas an Kaiyafas a did liida fi di priis dem. Iina da siem taim de Jan, Zakaraiya bwai pikni, did de iina di dezot an get wan mesij fram Gad.

Luuk 1:80

Di pikni gruo op an get chrang iina spirit, an im did liv iina di dezot til di die im shuo imself tu Izrel.

2 Piita 3:17

So fren, laik ou unu nuo dis aredi, wach out an no bada mek di rang we di wikid piipl dem we no bizniz wid Gad a du, kaaz unu fi chrie. Unu biliiv iina Gad chrang chrang nou, so no bada jrap aafa faam.

2 Piita 2:17

Dem piipl ya komiin laik wan foutn widout no waata, dem a laik kloud we staam bluo we; di daakis paat a el a wiet fi dem.

Jan 1:23

So Jan yuuz sopm we prafit Aizaiya se, fi tel dem a uu im bi. Im se, “Mi a di sumadi we a shout iina di dezot, ‘Mek di chrak we im fi waak pan chriet.’ ”

Luuk 7:23

Gad bles di piipl dem we no tap chos iina mi jos kaaz mi no gwaan ou dem tingk di wan we dem a wiet pan fi gwaan.”

Luuk 7:25

Ef a no dat, den a wa unu go out de fi si? Wan man jres op iina a dier kluoz? Nuo man! Piipl we jres op iina dier kluoz an liv big laif, liv iina palis.