Luuk 7:13 - Di Jamiekan Nyuu Testiment

¹³ Wen di Laad si ar, im sari fi ar an tel ar se, “Osh! No bada baal!”

Luuk 7:13 ပူးပေါင်းရင်းမြစ်များ

Maak 8:2

“Mi sari fi dem piipl ya. A uol a chrii die nou dem de ya wid mi, an dem naa notn fi nyam.

Luuk 10:1

Afta dis, di Laad pik sevnti-tuu a im ada falara dem an sen dem out tuu tuu, fi go evriwe im plan fi go.

Luuk 11:1

Wan die Jiizas did de somwe a prie. Afta im don, wan a im speshal falara dem se tu im se, “Laad, shuo wi ou fi prie, laik ou Jan shuo fi im falara dem ou fi prie.”

Luuk 11:39

Di Laad se tu di Farisii, “Nou unu Farisii, unu wash di outsaida kop an pliet, bot iina unu aat, unu griidi an wikid.

Luuk 12:42

Di Laad ansa im se, “Uu a di manija we di maasta kyan chos an dipen pan? A dat de wan im a-go put inchaaj a im sorvant dem, fi gi dem fi dem shier a di fuud wen di rait taim kom.

Luuk 13:15

Di Laad tel im se, “Unu tuu-fies! Unu no luus unu kou ar dangki fram di staal an liid dem out fi waata pan di Sabat?

Luuk 17:5

Di apasl dem se tu di Laad se, “Laad, elp wi fi chos iina yu muor!”

Luuk 17:6

Jiizas se, “Ef unu did chos iina mi likl bit, iivn laka wan likl likl siid, unu kuda se tu da big bredfruut chrii ya, ‘Ruut op yuself fram ya-so an go plaant yuself iina di sii,’ an it wuda du wa unu tel it fi du.

Luuk 18:6

Di Laad tel dem se, “Unu ier wa di wikid joj se?

Luuk 19:8

Zakiyos tan op bifuo evribadi an se tu di Laad, “Luk Laad, aaf a we mi av, mi a-go gi tu di puo, an ef mi rab nobadi, mi wi pie dem bak fuo taim wa mi did tiif.”

Luuk 22:61

Di Laad ton an luk chriet pan Piita an im memba wa di Laad did se tu im, “Bifuo di ruusta kruo, yu wi se yu no nuo mi chrii taim.”

Luuk 24:3

Dem go iin de, bot dem no fain Jiizas badi.

Luuk 24:34

an se, “A chuu! Di Laad kom bak alaiv an mek Saiman si'im.”

Luuk 7:12

Wen Jiizas did nier fi riich di toun giet, som piipl did a kyari out wan ded badi fi go beri. Im a did di onggl bwai pikni fi wan uman we ozban ded. Uol iip a piipl fram di toun did a waak wid ar.

Luuk 7:14

Den Jiizas go op go toch di kafn, an di man dem we did a kyari it tap. Jiizas se, “Yuut man, git op!”

Luuk 7:19

an sen dem fi go aks Jiizas, “A yu wi fi a luk fa, ar a sumadi els a-go kom?”

Luuk 8:52

Evribadi did a ala an a baal kaaz di pikni did ded. Jiizas se, “Unu no baal! Shi no ded; a sliip shi a sliip.”

Jan 11:2

(A da Mieri ya did chuo porfyuum ail pan di Laad an waip aaf im fut dem wid ar ier. A fi ar breda Lazaros did sik.)

Jan 11:3

So di sista dem sen mesij tu Jiizas se, “Laad, di sumadi we yu lov sik.”

Jan 20:13

Dem aks ar se, “Uman, wa mek yu a baal?” “Dem tek we mi Laad,” shi se tu dem, “an mi no nuo we paat dem put im.”

Jan 20:15

“Uman,” im se tu ar, “wa mek yu a baal? A uu yu a luk fa?” Chuu Mieri did tingk se a wan gyaadna a taak tu ar, shi se tu im se, “Sar, ef a yu tek im we, tel mi wich paat im de, so mi kyan go fi'im.”

Jan 4:1

Nou, di Farisii dem did ier se Jiizas did a get an baptaiz muo falara dan Jan

Jan 6:23

Den nou, som buot komiin fram Taibiiriyos an sekl saida wich paat di piipl dem nyam di fuud afta di Laad did gi tangks fi it.

1 Korintiyan 7:30

A siem so dem we a baal, fi sorv Gad so til it komiin laik se dem neva did a baal. Dem we api, fi sorv Gad jos laik dem wuda sorv im ef dem neva api. Mek di piipl dem we av moni fi bai aal we dem niid, sorv Gad so til it komiin laik se dem neva av notn.

1 Tesaluoniyan 4:13

Breda an sista, wi waahn unu fi nuo bout wa riili apm tu aal a dem we jrap asliip. Da wie ya unu wi no baal an muon laik di piipl dem we no nuo Gad an no ekspek notn gud fi apm afta sumadi ded.

Iibruu 2:17

So siek-a aal a dem sitn de nou, im did afi ton laik im breda an sista dem we de pan ort. Im did afi ton laik dem iina evri wie. Da wie de, az Gad elpa, im kuda ton wan liida fi di priis dem we Gad kyan chos, an im wi gud an kain tu piipl kaaz im andastan we dem a go chuu. An im kuda kom tek we di piipl dem sin tu.

Iibruu 4:15

Kaaz wi no av wan liida fi di priis dem we kyaahn andastan we wi a go chuu, an we no nuo se wi no so chrang wen wi fies notn we wi kaaz wi fi sin. Insted-a dat wi av wan we did get presha fi du aal kain-a rang sitn tu, siem laka wi — bot im neehn sin.