Luuk 7:12 - Di Jamiekan Nyuu Testiment

¹² Wen Jiizas did nier fi riich di toun giet, som piipl did a kyari out wan ded badi fi go beri. Im a did di onggl bwai pikni fi wan uman we ozban ded. Uol iip a piipl fram di toun did a waak wid ar.

Luuk 7:12 ပူးပေါင်းရင်းမြစ်များ

Luuk 8:42

Im did a beg Jiizas kaaz im wan an onggl gyal pikni did a ded. Shi did bout twelv. Wen Jiizas did a chrai fi go a Jairos yaad, di piipl dem did a pres gens im.

Jiemz 1:27

Di kain-a wok we gud an kliin iina Faada Gad yai a dis: elp di pikni dem uufa faada an mada dem ded an we a sofa, an di uman dem we ozban ded an we a sofa tu, an kip we fram di wikid sitn dem we iina di worl.

Aks 9:41

Im uol ar an an elp ar tan op. Den im kaal aal a Gad piipl, an di uman dem uufa ozban dem did ded tu an shuo dem se Daakas kom bak alaiv.

Aks 9:39

So Piita get op siem taim an go wid dem. Wen im kech de, dem kyari im opstiez tu di ruum. Aal a di uman dem uufa ozban did ded tan op saida im a baal an a shuo im aal a di kluoz dem we Daakas yuus tu mek wen shi did alaiv.

Jan 11:19

an nof a di Juu dem we kom fram Jeruusilem said did kom fi osh Maata an Mieri an mek dem fiil beta kaa dem breda did ded.)

Luuk 8:52

Evribadi did a ala an a baal kaaz di pikni did ded. Jiizas se, “Unu no baal! Shi no ded; a sliip shi a sliip.”

Luuk 7:11

Likl afta dat, Jiizas an im speshal falara dem lef fi go a di toun we dem kaal Nien, an wan big big kroud fala dem.

Luuk 7:13

Wen di Laad si ar, im sari fi ar an tel ar se, “Osh! No bada baal!”