Luuk 6:49 - Di Jamiekan Nyuu Testiment

⁴⁹ Bot di wan we ier mi wod an no du wa mi se, im komiin laik sumadi we bil wan ous we naa no foundieshan. Di plies flod out an di riva kom dong an biit gens di ous an it jrap dong an mash op.”

Luuk 6:49 ပူးပေါင်းရင်းမြစ်များ

Matyu 23:3

So unu fi lisn dem an du aal we dem tel unu fi du. Bot no du wa dem du, kaa dem no du wa dem priich se.

Matyu 24:10

Uol iip a piipl a-go gi op an tap fala mi. Dem a-go sel out dem wan aneda an iet dem wan aneda.

Maak 4:17

Bot siem laik di plaant uufa ruut no go dong diip iina di grong, dem no mek Gad wod go diip iina dem aat, so dem no laas no taim. Wen tof taim lik dem siek-a Gad wod, dem gi op an ton bak siem taim — siem laik ou di plaant jrai op an ded.

Luuk 12:47

“Di sorvant we nuo wa im maasta waahn im fi du, an no get tingz redi ar no du wa im maasta waahn a-go get som big lik.

Luuk 19:14

“Bot di piipl dem we liv wich paat im kom fram did iet im. So dem sen piipl baka im fi se, ‘Wi no waahn da man ya fi ton wi King.’

Luuk 19:27

Yu si dem we iet mi an neva did waahn mi ton dem king, kyari dem kom kil dem rait ya-so.’ ”

Luuk 6:46

“Wa mek unu a kaal mi, ‘Laad, Laad,’ an naa du wa mi se?

Luuk 6:48

Im komiin laik wan man we bil op wan ous — im dig dong diip iina di grong so im kuda bil di ous pan rakstuon. Di plies flod out an di riva kom dong an biit gens di ous, bot kudn mash it dong, kaaz di ous did bil op chrang chrang.

Luuk 7:1

Afta Jiizas don se aal a dis tu di piipl dem, im go Kyaporniyom.

Jan 15:2

Im brok aaf aafa mi aal a di lim dem we no bier fruut. An im chrim op di lim dem we bier fruut so dat dem kyan bier muo.

Aks 20:29

Mi nuo se afta mi lef som man a-go kom mongks unu we komiin laik som torbl wail animal an dem a-go kom mash op di choch.

Aks 26:11

Mi ponish dem nof taim iina di Juu dem choch an chrai fi get dem fi ton we fram Jiizas an se dem no biliiv iina im no muor. Mi did so mad wid dem mi go afta dem aal iina farin konchri fi mek dem sofa.

1 Tesaluoniyan 3:5

A so kom wen wi kudn bier it no langga mi did afi sen Timoti fi fain out ef unu a uol aan chrang an a gwaan chos iina Gad. Kaa mi did fried se Sietan did mek unu du rang an so aal di wok we wi did du mongks unu wudn wot notn.

2 Piita 2:20

Ef nobadi manij fi get we fram di wikidnis a da worl ya, kaa dem kom fi nuo wi Laad, Jiizas Krais, di wan we siev wi, an den dem siem wan go tai op bak demself iina wikidnis an mek it kangka dem, dem wosaraaf nou dan bifuo dem did fos biliiv an staat fala Jiizas.

1 Jan 2:19

Dem piipl de lef fram mongks unu, bot dem a neva did riili paat a unu at aal. Ef dem a did paat a unu dem wuda tan wid unu. Bot wen dem lef, dat shuo se dem a neva paat a unu choch at aal at aal.