Luuk 6:48 - Di Jamiekan Nyuu Testiment

⁴⁸ Im komiin laik wan man we bil op wan ous — im dig dong diip iina di grong so im kuda bil di ous pan rakstuon. Di plies flod out an di riva kom dong an biit gens di ous, bot kudn mash it dong, kaaz di ous did bil op chrang chrang.

Luuk 6:48 ပူးပေါင်းရင်းမြစ်များ

Luuk 6:47

Di wan we kom tu mi, ier we mi se an du wa mi se, mek mi tel yu sitn bout im.

Luuk 6:49

Bot di wan we ier mi wod an no du wa mi se, im komiin laik sumadi we bil wan ous we naa no foundieshan. Di plies flod out an di riva kom dong an biit gens di ous an it jrap dong an mash op.”

Jan 16:33

“Mi tel unu dem sitn ya so dat unu kyan av piis iina unu aat kaa mi an unu a wan. Iina da worl ya, unu gweehn av chobl an sofarieshan. Bot no fret! Mi don win di fait wid di worl.”

Aks 14:22

a elp di piipl dem we biliiv iina Jiizas fi get chrang iina wa dem biliiv. Dem tel dem fi eng aan pan di chuut we dem biliiv bout Jiizas. Dem tel dem se, “Wi afi go chuu nof sofarieshan fi get iina Gad kindom.”

Ifiijan 2:20

Unu komiin laik wan bildin. Jos laik ou bildin mek pan foundieshan, a siem so unu av wan foundieshan. Fi unu foundieshan a di apasl an prafit dem. An Krais Jiizas a di rakstuon we uol di bildin tugeda.

2 Timoti 2:19

Bot Gad foundieshan salid an chrang, it a tan op siem wie. An it av dis rait pan it: “Di Laad nuo di piipl dem we a fi im uon,” an “Enibadi we se Jiizas a ‘Laad’ mos tap du wikid sitn.”

2 Piita 1:10

So mi breda an sista, Gad kaal unu fi fala im. An im pik unu fi bi fi im piipl dem. So ef unu waahn dis fi laas unu fi chrai iivn aada fi mek shuor se dat apm. Kaaz ef unu du dis, notn kyaahn kot unu aaf fram Gad.

1 Jan 2:28

Breda an sista, tan iina Krais Jiizas so dat wen im kom bak wi no afi fried an ron go aid iina shiem.

Juud 1:24

Di onggl Gad, di wan we siev unu, av powa fi kip unu fram tombl dong iina di devl chrap. Im wi mek unu tan op infronta im iina im brait brait lait wen im kom bak iina aal a im powa, an mek unu wel api an no fain no faalt wid unu.