Luuk 6:38 - Di Jamiekan Nyuu Testiment

³⁸ Gi an unu wi get uol iip wid aal braata. Unu kop a-go ful — ful so til it aal a ron uova. Di wie unu diil wid ada piipl, siem wie dem a-go diil wid unu.”

Luuk 6:38 ပူးပေါင်းရင်းမြစ်များ

Matyu 10:42

An enibadi we gi wan a mi ombl falara dem iivn wan kop a ais waata, kaa dem si se dem a fi mi falara, mi a tel unu dis, an mi naa lai, da sumadi de a-go get wa dem fi get.”

Matyu 7:2

Kaaz di siem wie ou unu joj piipl, a so Gad a-go joj unu tu. Ef unu tek taim wid ada piipl, a so Gad a-go tek taim wid unu tu, bot ef unu redi fi rof dem op an rait dem aaf, a dat a-go riich unu tu.

Maak 4:24

An im se tu dem se, “Tingk gud bout wa unu ier. Eniting we unu dish out gi piipl a dat unu a-go get bak, an get aal muo pan tap a it.

Luuk 6:30

Ef enibadi we beg unu fi sitn we unu av, gi dem. An ef nobadi tek we fi yu sitn dem, no aks dem bak fi it.

Jiemz 2:13

kaaz piipl we no paadn nobadi, naa go get no paadn pan jojment die. Ef unu paadn piipl unu wi get frii fram jojment.