Luuk 6:35 - Di Jamiekan Nyuu Testiment

³⁵ Unu fi lov di piipl dem we iet unu. Du gud tu piipl, len an no ekspek fi get bak notn. Kaaz Gad a-go pie unu bak big taim. Gad kain tu di piipl dem we wikid an we no gi tangks. So wen unu du dis, dat shuo se unu a riili di Muos Ai Gad pikni.

Luuk 6:35 ပူးပေါင်းရင်းမြစ်များ

Matyu 5:9

Gad bles aal a uu elp piipl fi liv iina piis, kaaz a piipl laik dem de Gad a-go kaal fi im pikni dem.

Maak 5:7

Den im baal out pan tap a im vais se, “Lef mi no Jiizas, di Muos Ai Gad Bwai Pikni! Mi a beg yu, fi Gad siek, no mek mi sofa!”

Luuk 1:32

Im a-go ton wan griet man an dem a-go se im a di pikni fi di Muos Ai Gad. Di Laad Gad gweehn gi im di chuon wa im faada Dievid did av.

Luuk 6:36

Unu fi gud tu piipl aal ef dem no dizorv it, jos laik ou yu faada gud tu piipl.

Jan 13:35

Wen unu lov unu wan aneda, a so piipl gweehn nuo se unu a fi mi falara.”

Jan 15:8

Wen unu bier nof fruut an shuo se unu a fi mi falara, da wie de mi Faada get nof rispek.

Aks 14:17

Bot Gad aalwiez mek piipl nuo ou im gud tu dem. Im du dis wen im mek im rien faal fram evn an mek dem fiil bier a ier taim, so unu av nof fuud fi iit an im mek unu aat api.”

2 Korintiyan 8:9

Kaaz unu nuo ou wi Laad Jiizas Krais shuo wi lov iivn duo wi no dizorv it. Im did rich bot im gi op evriting an mek imself puor so dat unu we puor kuda get rich.

2 Timoti 3:2

Piipl onggl a-go bizniz wid demself an dem a-go lov moni. Dem a-go gwaan buosi-buosi an ful-a demself. Dem a-go kos out an biit op biit op dem wan aneda an dem naa go fala wa dem mada an faada se. Piipl naa go gi tangks fi notn an dem naa go av notn fi du wid Gad.