Luuk 6:30 - Di Jamiekan Nyuu Testiment

³⁰ Ef enibadi we beg unu fi sitn we unu av, gi dem. An ef nobadi tek we fi yu sitn dem, no aks dem bak fi it.

Luuk 6:30 ပူးပေါင်းရင်းမြစ်များ

2 Korintiyan 8:9

Kaaz unu nuo ou wi Laad Jiizas Krais shuo wi lov iivn duo wi no dizorv it. Im did rich bot im gi op evriting an mek imself puor so dat unu we puor kuda get rich.

Aks 20:35

Iina evriting we mi du mi shuo unu se wi afi wok aad so wi kyan av inof fi shier wid di wan dem we no av notn. An unu fi memba wa wi Laad Jiizas se, im se, ‘Ef yu gi sumadi sopm, it mek yu muo api dan ef sumadi gi yu sopm.’ ”

Matyu 6:12

Paadn wi fi aal a di rang we wi du, siem laik ou wi paadn dem we du wi rang.

Luuk 18:22

Afta Jiizas ier dis, Jiizas se tu im se, “Yu stil av wan ting lef fi du. Sel evriting we yu av an gi di moni tu di puo piipl dem, an yu wi rich iina evn. Wen yu du dat, kom fala mi.”

Luuk 12:33

Sel wa unu av an elp di puor so unu kyan get moni we kyaahn ron out an stuor op aal kain-a gud sitn fi unuself iina evn. Wa de op de-so no tiif kyaahn kom tek an no mat kyaahn kom nyam nyam op.

Luuk 11:41

Gi tu di puor an du it fram unu aat, an den dat wi shuo se evriwe kliin.

Luuk 6:38

Gi an unu wi get uol iip wid aal braata. Unu kop a-go ful — ful so til it aal a ron uova. Di wie unu diil wid ada piipl, siem wie dem a-go diil wid unu.”

Matyu 18:35

“A siem so mi Faada iina evn wi du unu ef unu uol op unu breda ar sista dem iina unu aat, an no paadn dem.”

Ifiijan 4:28

Aal uu did a tiif mos tap tiif. Wa dem fi du a wok aad fi wa dem waahn. Da wie de, dem wi av inof fi shier wid piipl we no av notn.

Matyu 5:39

Bot ier wa mi a tel unu se, di piipl dem we du aal saat a wikidnis tu unu, lou dem mek dem gwaan. Ef sumadi baks unu kraas unu fies, pan di rait an said, ton di neks said gi dem.

Luuk 6:29

Ef sumadi baks unu pan wan saida unu fies, ton di neks said gi dem. Ef sumadi tek unu jakit, no tap im fram tek unu shot tu.

Luuk 6:31

Diil wid piipl di wie unu waahn dem diil wid unu.