Luuk 6:29 - Di Jamiekan Nyuu Testiment

²⁹ Ef sumadi baks unu pan wan saida unu fies, ton di neks said gi dem. Ef sumadi tek unu jakit, no tap im fram tek unu shot tu.

Luuk 6:29 ပူးပေါင်းရင်းမြစ်များ

Iibruu 10:34

Kaaz fi riil, unu aal sari fi di piipl dem we dem chuo iina prizn. An wen dem kom tek we unu sitn dem, unu mek dem galang wid dem, an aal a sumail sed wie, kaaz unu nuo se unu uon tingz we moch moch beta dan dem sitn de, an wa unu uon a-go laas fi eva.

2 Korintiyan 11:20

Unu put op wid piipl wen dem kom an chrai tek unu an ton unu iina sliev. Unu put op wid dem wen dem yuuz unu, unu put op wid dem wen dem tek advaantij a unu. Wen dem put unu dong an gwaan laik dem beta dan unu, wen dem baks unu iina unu fies, unu put op wid dem.

1 Korintiyan 6:7

Di fak se unu afi kyari unu wan aneda go kuot fi saat out unu prablem dem shuo se unu naa liv laik ou Gad waahn unu fi liv. Unu no tingk it beta fi sumadi du unu rang? Unu no tingk it beta fi sumadi tiif fram unu?

Jan 18:22

Wen Jiizas se dis ya, wan a di gyaad dem shat im a baks iina im fies. “A so yu taak tu di liida fi di priis dem?” im aks Jiizas.

Matyu 26:67

Den dem pit iina im fies an tomp im op. An som a dem slap im op

1 Korintiyan 4:11

Aal nou wi onggri an wi chuot jrai. Fi wi kluoz komiin laik piis a uol tier op klaat, piipl chriit wi bad bad an wi no av no we fi liv.

Luuk 22:64

Dem put klaat uova im yai an se, “So yu se yu a prafit, so tel wi, uu lik yu?”

Aks 23:2

Wen im se dat, Ananaiyas, di liida fi di priis dem, aada di man dem we did tan op de fi baks Paal pan im mout.

Luuk 6:30

Ef enibadi we beg unu fi sitn we unu av, gi dem. An ef nobadi tek we fi yu sitn dem, no aks dem bak fi it.