Luuk 6:25 - Di Jamiekan Nyuu Testiment

²⁵ Chobl fi aal a unu we beli ful nou, kaaz unu a-go onggri. Aal a unu we a laaf nou — chobl fi unu, kaaz unu a-go ala an baal.

Luuk 6:25 ပူးပေါင်းရင်းမြစ်များ

Luuk 12:20

“Bot Gad tel im se, ‘Yu fuul! Tinait tinait, yu a-go ded. Uu a-go get wa yu put op fi yuself?’

Luuk 13:28

“Unu a-go a baal an a grain unu tiit, wen unu si Iebriyam, Aizak, Jiekob an aal di prafit dem iina Gad kindom, an unu get lef out.

Luuk 6:24

“Bot aal a unu we rich — chobl fi unu, kaaz unu get unu iizi laif aredi.

Luuk 6:26

Chobl fi aal a unu we piipl chat gud bout, a siem so fi dem piipl yuus tu chat gud bout di faalz prafit dem.

Luuk 8:53

An di piipl dem staat laaf aafa im, kaaz dem did nuo se shi ded.

Ifiijan 5:4

No yuuz doti wod, an no bada wid aigl, kielis an fuul-fuul taak, kaaz Gad piipl no du dem sitn de. Wa unu fi du a gi Gad tangks.

1 Tesaluoniyan 5:3

Wen piipl staat fi se wi av piis an evriting sief, braps — a dat de taim tingz a-go ton opsaid dong. Sofarieshan a-go lik dem so faas laik wen pien staat riich di uman we bout fi av biebi. An dem naa go kyan ron we fram it.

Jiemz 4:9

Baal, muon, gruon, an ala. Tap kin unu tiit an staat baal. No bada fiil api, a sad unu fi sad.

Revilieshan 3:17

Unu se, ‘Mi rich; mi av uol iip a moni an evriting mi waahn.’ Bot yu no si ou yu mash op an tan bad, an pap dong laik oul shuuz bak, an puor, an blain an na'av aan no kluoz?