Luuk 6:19 - Di Jamiekan Nyuu Testiment

¹⁹ Evribadi did a chrai fi toch Jiizas, kaaz di powa fi kyuor dem did a kom fram im.

Luuk 6:19 ပူးပေါင်းရင်းမြစ်များ

Matyu 14:36

Dem beg im fi jos mek dem toch di en a im kluoz, an evribadi we du dat get beta.

Maak 3:10

Kaaz chuu im did iil nof a dem, aal a di sik piipl dem did a push an a chrai fi get kluos so dem kuda toch im.

Maak 5:30

Siem taim Jiizas nuo se di powa we im av did mek sumadi beta. So im ton roun iina di kroud an did a aks, “A uu toch mi kluoz?”

Maak 6:56

Evri dischrik ar konchrisaid, ar maakit plies we Jiizas go, di piipl dem kyari dem sik piipl tu im. Dem beg im fi jos mek dem toch di en a im kluoz, an evribadi we du dat get beta.

Maak 8:22

Jiizas an im falara dem riich a Betsieda. Som piipl kyari wan blain man tu Jiizas an beg im fi toch im.

Luuk 5:17

Wan die wen Jiizas did a tiich, som Farisii an som a di Laa tiicha dem did sidong a lisn tu im. Dem kom fram evri dischrik iina Gyalalii, Judiya an Jeruusilem. Pan da die de Gad gi Jiizas di powa fi mek di sik piipl dem beta.

Luuk 6:18

Dem kom fi ier Jiizas priich an fi mek im kyuor dem fram dem siknis. An Jiizas ron out diiman outa piipl.

Aks 19:12

so dat aal korchiv an iepran we im did yuuz fi waip im fies an jrai im an, piipl kyari go gi di sik piipl dem an dem get beta, an di piipl dem we did av diiman — di diiman kom outa dem.

1 Piita 2:9

Bot unu a wan set a piipl we Gad pik. Unu a di king priis — an Gad a di king. Unu a wan speshal piipl we Gad tek fi kom ton fi im uona piipl dem. Im pik unu so unu kyan tel ada piipl ou big im bi an ou gud im bi. Kaaz a im sed wan tek unu outa daaknis an kom put unu iina im brait brait lait.