Luuk 6:14 - Di Jamiekan Nyuu Testiment

¹⁴ Im di pik: Saiman (we Jiizas kaal Piita), im breda Anju, Jiemz an Jan, Filip, Bartalimyuu,

Luuk 6:14 ပူးပေါင်းရင်းမြစ်များ

Matyu 10:2

Nou dis a wa Jiizas twelv apasl dem niem: Saiman, we dem kaal Piita an Saiman breda we niem Anju, plos Jiemz an Jan — Zebidii tuu bwai dem.

Matyu 10:3

Den yu did av Filip, Bartalimyuu, Tamas, Matyu — di taks kalekta, Jiemz — Alfiyos pikni, an Tadiyos.

Matyu 4:18

Wen Jiizas did a waak saida Gyalalii sii, im si tuu breda: Saiman, we dem kaal Piita, an Saiman breda, Anju. Di tuu a dem did a fling out dem net iina di sii fi kech fish, kaa dem did a fishaman.

Matyu 4:21

Wen im lef de-so an go forda out im si tuu ada breda: Jiemz an Jan — Zebidii bwai pikni dem. Di tuu a dem did de iina di buot wid dem faada a fiks op dem net. Jiizas kaal dem.

Maak 1:19

Likl dong fram de-so, im si Jiemz an Jan, Zebidii tuu bwai pikni dem iina wan buot a fiks dem net.

Maak 1:29

Afta Jiizas lef di Juu dem choch, dem go chriet a Saiman an Anju ous. Jiemz an Jan did go wid dem tu.

Maak 14:33

So im tek Piita, Jiemz an Jan wid im an im did wel sad an im aat did evi.

Maak 3:16

Di twelv we im pik a did Saiman we im kaal Piita,

Maak 5:37

Jiizas neva mek nobadi go wid im, onggl Piita, Jiemz an Jiemz breda, Jan.

Maak 9:2

Afta siks die Jiizas tek Piita, Jiemz an Jan wid im an di fuo a dem wan go pan wan ai mountn. Aal av a sodn Jiizas staat fi chienj rait infronta dem,

Luuk 5:10

Tuu a Saiman brejrin dem we did fraitn tu, a Jiemz an Jan, Zebidii bwai dem. Den Jiizas se tu Saiman, “No fried, fram nou aan, yu naa go kech fish, yu a-go kech piipl.”

Luuk 5:8

Wen taim Saiman Piita si aal a dis, im jrap dong a Jiizas fut an se, “Kip we fram mi Laad kaaz mi a wan man we du nof rang!”

Luuk 6:13

Wen die lait, Jiizas kaal im falara dem an pik out twelv a dem. Im kaal dem twelv de im apasl.

Luuk 6:15

Matyu, Tamas, Jiemz (dat a Alfiyos bwai pikni), Saiman we dem kaal Zelat,

Jan 1:45

Afta Jiizas fain im, Filip fain Nataniyel an tel im se, “Wi fain di sumadi we Muoziz rait bout iina di Laa, di sed wan di prafit dem rait bout tu. Im niem Jiizas an im kom fram Nazaret. Im a Juozif bwai pikni.”

Jan 14:8

Filip se, “Laad, mek wi si di Faada an wi wi satisfai wid dat.”

Jan 6:5

Wen Jiizas luk roun an si di big kroud a piipl we did a kom tu im, im se tu Filip, “Wich paat wi kyan bai fuud fi gi dem piipl ya?”

Jan 6:8

Den wan a im ada falara dem, Anju, Saiman Piita breda, se tu im se,

Aks 1:13

Wen dem kech a Jeruusilem, dem go opstiez go a di ruum we dem did a stie. Piita, Jan, Jiemz an Anju; Filip an Tamas, Bartalimyuu an Matyu; Jiemz, Alfiyos bwai pikni, Saiman we niem Zelat, an Juudas, Jiemz bwai pikni, aal a dem did de de.

Aks 12:2

Im mek dem kil Jiemz, Jan breda, wid wan suod.

2 Piita 1:1

Mi a Saiman Piita, wan a Jiizas Krais sorvant an apasl dem. Mi a wan a di twelv man dem we did a waak wid im. Mi a rait aal a unu we wi Gad, an Jiizas Krais di wan we siev wi, mek biliiv iina im. Im siev wi so unu kuda get fi biliiv iina im jos laik ou wi biliiv iina im. An im du dat kaaz im no paashal at aal at aal, bot kaaz im gud an kain.