Luuk 5:34 - Di Jamiekan Nyuu Testiment

³⁴ Jiizas ansa dem bak se, “Yu tingk se di piipl dem we di braidgruum invait a im wedn fi kip we fram fuud wen im mongks dem?

Luuk 5:34 ပူးပေါင်းရင်းမြစ်များ

Jan 3:29

Yu si, di braid a fi di braidgruum. Di braidgruum brejrin we saat out di sitn dem fi'im wedn an we tan op an lisn out fi'im, im glad-bag bos wen taim im ier di braidgruum vais. Rait ya nou, a siem wie so mi fiil wel wel api bout wa a gwaan.

2 Korintiyan 11:2

Mi wori bout unu siem laik ou Gad wori bout unu. Siem laik ou wan faada wi tek im gyal pikni we neva sliip wid nobadi yet an pramis fi marid ar tu wan man, a siem so mi did tek unu an pramis fi marid unu tu Krais Jiizas.

Matyu 22:2

“Yu did av wan king uufa bwai pikni did a go get marid. So im did a saat out wan big dina fi'im bwai — an a dis Gad kindom komiin laik.

Matyu 9:15

Jiizas se tu dem se, “Yu tingk se di piipl dem we di braidgruum invait kyan a lang dong dem fies an sad sad op demself wen di braidgruum de mongks dem? Di taim a kom wen di braidgruum a-go gaan fram dem. A da taim de, dem wi kip we fram fuud.

Luuk 5:33

Dem tel Jiizas se, “Uol iip a taim, Jan falara dem kip we fram fuud an prie. Di Farisii dem dwi'it tu. Bot fi yu dem a nyam an jringk.”

Luuk 5:35

Di taim a-go kom wen di braidgruum a-go gaan fram dem. A da taim de, dem wi kip we fram fuud.”