Luuk 5:22 - Di Jamiekan Nyuu Testiment

²² Jiizas did nuo wa dem did a tingk an so im aks dem se, “Wa mek unu tingk dem sitn de iina unu aat?

Luuk 5:22 ပူးပေါင်းရင်းမြစ်များ

Luuk 24:38

Jiizas se tu dem se, “Wa mek unu fraitn? Wa mek unu no biliiv?

Aks 5:3

Den Piita aks im se, “Ananaiyas, ou kom yu mek Sietan tek kanchuol a yu an mek yu lai tu di Uoli Spirit? Yu kip bak som a di moni fi yuself, an kom a gwaan laik se yu a gi evriting?

Maak 8:17

Jiizas nuo wa dem did a taak bout, so im aks dem se, “Wa mek unu a taak bout ou a chuu unu naa no bred? Unu stil no si an andastan? A aad unu aad fi lorn so?

Matyu 12:25

Nou, Jiizas did nuo wa de iina dem main, so im se tu dem se, “It no mata wich kindom, ef di piipl dem we liv iin de a fait gens dem wan aneda, it naa go laas. An no toun ar fambili we av piipl a fait gens dem wan aneda kyan tan op chrang.

Matyu 9:4

Jiizas did si wa dem a tingk se, so im se tu dem se, “Wa mek unu tingk dem wikid sitn de iina unu aat?

Revilieshan 2:23

Mi a-go kil aaf ar falara dem. Den aal a di choch dem wi fain out se a mi a di wan we sorch out evribadi main an aat. An fi aal we unu a du, mi a-go pie unu bak wa unu fi get.

Iibruu 4:12

Kaaz wen Gad taak, a laik se di sitn dem we im se alaiv, av powa an kyan du tingz! Gad wod kot beta dan eni wan a di tuu-saidid kotlis dem, an aal buor chuu an plit op suol fram spirit, an kot we wich paat di buon dem jain op fram di blod an sitn dem we de insaida di buon dem. It kyan joj we wi tingk iina wi aat an di sitn dem we wi waahn.

Matyu 12:15

Bot Jiizas did nuo se dem a plan fi kil im an lef de-so. Wan bag a piipl fala im, an im get di uol a dem beta.

Luuk 5:21

Di Farisii an di Laa tiicha dem staat se tu demself se, “A uu im tingk im bi, kom a disrispek Gad! No Gad wan kyan paadn sin?”

Luuk 5:23

Wich wan iiziya fi se, ‘Mi paadn yu sin dem,’ ar, ‘Get op an waak?’