Luuk 5:21 - Di Jamiekan Nyuu Testiment

²¹ Di Farisii an di Laa tiicha dem staat se tu demself se, “A uu im tingk im bi, kom a disrispek Gad! No Gad wan kyan paadn sin?”

Luuk 5:21 ပူးပေါင်းရင်းမြစ်များ

Matyu 26:65

Wen di liida fi di priis dem ier dat de, im tier im kluoz an se, “Im tingk se im an Gad a wan! Im disrispek Gad! Wa wi waahn muo piipl fi pruuv notn fa? Unu ier im a dis op Gad!

Matyu 9:3

Den som a di Laa tiicha dem se tu demself se, “Bot wiet, a uu da man ya riili tingk im bi — a dis im a disrispek Gad!”

Luuk 3:8

Du di sitn dem we shuo se unu riili tap sin. An no bada staat tingk tu unuself se unu sief, an se, ‘A Iebriyam a wi faada.’ Mek mi tel unu sopm, Gad kyan mek pikni fi Iebriyam outa dem rakstuon ya ef im waahn!

Luuk 5:17

Wan die wen Jiizas did a tiich, som Farisii an som a di Laa tiicha dem did sidong a lisn tu im. Dem kom fram evri dischrik iina Gyalalii, Judiya an Jeruusilem. Pan da die de Gad gi Jiizas di powa fi mek di sik piipl dem beta.

Luuk 5:22

Jiizas did nuo wa dem did a tingk an so im aks dem se, “Wa mek unu tingk dem sitn de iina unu aat?

Luuk 7:49

Di ada ges dem staat se tu dem wan aneda, “A uu dis ya we aal a paadn sin?”

Jan 10:33

“Wi naa stuon yu fi non a dem sitn de,” dem se tu im. “Wi gweehn stuon yu kaaz a ou yu a disrispek Gad. Yu a onggl wan man, an yu a taak bout se yu a Gad.”

Ruoman 8:33

Uu kyan joj di piipl we Gad pik an se dat dem gilti? A Gad wan kyan joj piipl! A Gad wan kyan put tingz rait bitwiin im an piipl.