Luuk 5:17 - Di Jamiekan Nyuu Testiment

¹⁷ Wan die wen Jiizas did a tiich, som Farisii an som a di Laa tiicha dem did sidong a lisn tu im. Dem kom fram evri dischrik iina Gyalalii, Judiya an Jeruusilem. Pan da die de Gad gi Jiizas di powa fi mek di sik piipl dem beta.

Luuk 5:17 ပူးပေါင်းရင်းမြစ်များ

Luuk 6:19

Evribadi did a chrai fi toch Jiizas, kaaz di powa fi kyuor dem did a kom fram im.

Luuk 8:46

Bot Jiizas se, “Sumadi toch mi man. Mi nuo, kaaz mi fiil powa gaan outa mi.”

Aks 19:11

Gad gi Paal powa fi du som powaful mirikl

Matyu 11:5

Di blain kyan si nou; kripl piipl a waak; piipl we av siknis we mek dem skin fasi-fasi, dem skin kom bak gud gud, def piipl a ier nou, ded a kom bak alaiv, an di gud nyuuz a priich tu puo piipl.

Aks 4:30

Yuuz yu powa an mek piipl beta. An mek wi yuuz di niem a yu sorvant Jiizas fi du som powaful mirikl an som sain.”

Maak 7:1

Den som Farisii an som a di Laa tiicha dem we kom fram Jeruusilem gyada op roun Jiizas.

Maak 5:30

Siem taim Jiizas nuo se di powa we im av did mek sumadi beta. So im ton roun iina di kroud an did a aks, “A uu toch mi kluoz?”

Matyu 15:1

Den som Farisii an som Laa tiicha kom tu Jiizas fram Jeruusilem. Dem kom kom aks im se,

Jan 3:21

Bot di sumadi we a du wa Gad se a di rait ting fi du, waak out iina di lait, so dat evribadi kyan si se a riili Gad mek im du we im a du.”

Luuk 2:46

Chrii die paas bifuo dem fain Jiizas iina Gad ous, sidong wid di tiicha dem, a lisn tu dem, an a aks dem kwestiyan.

Luuk 15:2

Bot di Farisii an di Laa tiicha dem staat grombl se, “Da man ya a fren op sina an aal a nyam wid dem.”

Luuk 7:30

Bot di Farisii an di Laa tiicha dem ton dem bak pan wa Gad did waahn dem fi du, kaaz dem neva mek Jan Baptaiz dem.)

Luuk 5:30

Bot di Farisii an di Laa tiicha dem, komplien tu Jiizas speshal falara dem se, “Wa mek unu a nyam an jringk wid di taks kalekta an rang-duwa dem?”

Luuk 5:21

Di Farisii an di Laa tiicha dem staat se tu demself se, “A uu im tingk im bi, kom a disrispek Gad! No Gad wan kyan paadn sin?”

Maak 16:18

dem wi kyan yuuz dem an pik op siniek, an no paizn we dem jringk naa go du dem notn. Dem wi put dem an pan sik piipl an mek dem get beta.”

Maak 3:22

Di Laa tiicha dem we did kom dong fram Jeruusilem se, “Im av Belzibul, di diiman ruula, iina im. A Belzibul gi im powa fi ron out diiman.”

Maak 1:45

Bot di man lef an staat pred tu evribadi wa Jiizas du fi im. So fram dat Jiizas kudn go iina no toun mek nobadi si im. Im afi tan iina di konchri paat faar faar fram di toun. Bot piipl stil kip aan a kom tu im fram aal bout.

Jan 3:10

Bot, Jiizas se tu im se, “A yu a tap tiicha iina Izrel, an yu no andastan dem sitn ya we mi a taak bout?

Aks 5:34

Bot wan Farisii niem Gyamieliyel, wan a di Laa tiicha dem we evribadi rispek, tan op iina di miitn infronta aal a di liida dem an aada dem fi put di apasl dem outa duor likl bit.