Luuk 4:43 - Di Jamiekan Nyuu Testiment

⁴³ Bot Jiizas tel dem se, “Mi afi go gi di gud nyuuz bout Gad kindom tu di ada toun dem, kaaz a dat Gad sen mi fi du.”

Luuk 4:43 ပူးပေါင်းရင်းမြစ်များ

Matyu 4:23

Da taim de, Jiizas did go aal uova Gyalalii a tiich iina di Juu dem choch. Im did a priich di gud nyuuz bout Gad kindom an a get piipl beta — piipl we av aal kain-a siknis an we sik iina aal saat a wie.

Maak 1:35

Orli orli iina di maanin, wen it did stil daak daak, Jiizas get op an go fain wan plies we nobadi no de, so im kuda tan de an prie.

Jan 20:21

So Jiizas se tu dem wan neks taim se, “Piis! Siem laka ou di Faada sen mi iina di worl, a siem wie so mi a sen unu iin de.”

Jan 9:4

Fi az lang az di son a shain, wi mos du di powaful sitn dem we di wan we sen mi waahn wi fi du. Nait a kom wen nobadi kyaahn go du notn.

Aks 10:38

Unu nuo ou Gad did gi Jiizas we kom fram Nazaret im Uoli Spirit an powa. Jiizas go aal bout a du gud sitn, an aal a di piipl we di devl did kanchuol, Jiizas frii dem kaaz Gad did de wid im.

2 Timoti 4:2

priich Gad wod an mek shuor se yu aalwiez redi fi priich. Ef di taim rait ar it no rait, priich it siem wie. Yu afi shuo di piipl dem di rang we dem a du an put dem iina dem plies kaaz dem a sin. Yu mos tek taim wid dem wen yu a tiich dem an push dem fi du wa rait.