Luuk 4:35 - Di Jamiekan Nyuu Testiment

³⁵ “Kiba yu mout!” Jiizas se iina wan siiros vais. “Kom outa di man!” Di diiman fling dong di man fronta evribadi an kom out bot neva ort di man.

Luuk 4:35 ပူးပေါင်းရင်းမြစ်များ

Matyu 17:18

Jiizas ron out di diiman, an it kom outa di bwai. Di pikni get beta fram da taim de.

Matyu 8:26

Bot im se tu dem se, “Ou unu friedi-friedi so? Unu chos iina Gad likl bit iihn?” Den im get op an tel di briiz an di sii fi sekl demself. An evriting jos sekl bak dong.

Maak 1:26

Di diiman fling im dong an mek im de de a flata, it baal out loud loud an kom outa im.

Maak 4:39

So Jiizas get op an taak chrang tu di briiz, an tel di sii fi sekl dong. So di briiz tap an di wiev dem sekl dong.

Maak 9:26

Di spirit baal out an shiek di bwai aad aad an kom outa im. Afta im kom out di bwai luk laik wan ded man an nof a di piipl dem se, “Im ded!”

Luuk 11:22

Bot ef sumadi we chrangga dan im atak im an win im, di chrangga wan a-go tek we di wepan dem wa di man did tingk se wuda kip im sief, an shier op shier op aal a wa im tek.

Luuk 4:23

Jiizas se tu dem, “Uol taim piipl yuus tu se, ‘Dakta, kyuor yuself.’ Mi nuo se no tuu lang fram nou unu a-go tel mi di siem sitn. Unu a-go tel mi se, ‘Di siem sitn dem we wi ier se yu du iina Kyaporniyom du dem rait ya-so wich paat yu kom fram.’ ”

Luuk 4:39

So Jiizas tan op an tel di fiiva fi tap, an di fiiva brok. Shi get op siem taim an staat luk aafa dem.

Luuk 4:41

Diiman kom outa nof piipl an a shout, “Yu a Gad pikni!” Dem did nuo se im a di Krais, so Jiizas mek dem kyaahn se notn.

Luuk 8:24

Jiizas speshal falara dem wiek im op an se, “Laad! Laad! Wi a-go joun!” Jiizas get op an aada di briiz an di wiev dem fi sekl dong; an evriting get kaam.

Luuk 9:39

Somtaim wan spirit wi tek im uova an im wi staat fi baal out; it mek im flata flata til im mout fraat op. Di spirit aadli lef im. It a mash im op.

Luuk 9:42

Wen di bwai did a kom tu Jiizas, di diiman fling im a grong an di bwai staat flata. Bot Jiizas aada di diiman fi kom out an im kyuor di bwai an gi im bak tu im faada.

Revilieshan 12:12

So evribadi iina evn, unu fi api! Bot aal uu liv pan di ort an piipl we de a sii, chobl fu'unu, kaaz di devl gaan dong tu unu! Im beks bad — beks til im tempa a bwail uova, kaaz im nuo se im taim shaat.”