Luuk 4:32 - Di Jamiekan Nyuu Testiment

³² Di wie ou im tiich shak dem, kaaz im mesij shuo se im nuo we im a taak bout.

Luuk 4:32 ပူးပေါင်းရင်းမြစ်များ

Luuk 4:36

Aal a di piipl dem shak an se tu dem wan aneda, “Bot a wa dis ya? Im av di rait an di powa fi aada diiman fi kom outa piipl an dem kom out!”

Jan 6:63

Di Spirit a wa gi piipl riil laif. Piipl no wot notn; dem kyaahn dwi'it. A di Spirit mek mi se wa mi de se tu unu, an we di Spirit se kaaz piipl fi av laif.

Taitos 2:15

Mek shuor se yu tel evribadi dem sitn ya. Yuuz di powa we Gad gi yu fi push di piipl dem fi fala di chuut an fi karek dem. An no mek nobadi put yu dong ar se yu a wan bad tiicha an no pie yu no main.

1 Tesaluoniyan 1:5

Kaaz wen wi did bring wi Gud Nyuuz kom, a neehn suo-so wod wi bring kom, bot wi bring di mesij wid powa we kom fram di Uoli Spirit. An unu si se wi biliiv wid aal a wi aat se di Gud Nyuuz a chuu. Unu si aal a wa wi did du wen wi did liv mongks unu? Wi did du aal a dem sitn de fi elp unu.

2 Korintiyan 4:2

Wi no av notn fi du wid di bad sitn dem we piipl aid an du, an we bring dong shiem pan dem. Wi no chrai fi chrik nobadi an wi no ad ar chienj op notn we de iina Gad wod. Gad a wi witnis se wi onggl tiich di chuut an so piipl nuo se dem kyan chos wi.

Maak 1:22

Evribadi shak wen dem ier di sitn dem we im did a tiich, kaaz im tiich laik sumadi we av di rait an di powa fi du it. Im neehn tiich laik di Laa tiicha dem.

Luuk 2:47

Evribadi we ier Jiizas taak kudn biliiv di wie ou im ansa kwestiyan an di sitn dem we im andastan.

Luuk 4:33

Wan man wid wan diiman iina im, did de iina di Juu dem choch. Im baal out pan di tap a im vais.

Jan 7:46

Di gyaad dem se, “Nobadi neva eva taak laik ou da man ya taak.”