Luuk 4:28 - Di Jamiekan Nyuu Testiment

²⁸ Aal di piipl dem iina di Juu dem choch beks wen dem ier dis.

Luuk 4:28 ပူးပေါင်းရင်းမြစ်များ

Aks 7:54

Wen di Juu liida dem ier dis dem beks wid im so til dem staat grain dem tiit.

Aks 5:33

Wen di Juu liida dem ier dem sitn de, dem get beks til dem blod staat bwail an dem redi fi kil di apasl dem.

Luuk 6:11

Bot di Farisii an di Laa tiicha dem did beks beks an staat fi taak mongks dem wan aneda bout wa dem fi du wid Jiizas.

Matyu 2:16

Wen Erad si se di waiz man dem did chrik im op, im beks til im nieli bos! Im sen out aada, an kil aaf aal a di bwai pikni dem we did iina Betliyem an di plies dem we did de nier Betliyem, aal a di pikni dem we did a tuu ier uol an anda tuu. Im du dat azkaadn tu di taim wen di waiz man did se dem si di staar.

Luuk 4:27

Siem ting did apm a Izrel iina di taim a Ilaisha, di prafit. Uol iip a piipl did av wan siknis we mek dem skin fasi-fasi, bot a onggl di Siriyan we niem Nieman get iil.”

Luuk 4:29

Dem get op, ron Jiizas outa di toun, an kyari im go a di ej a di il wich paat di toun de fi fling im uova it.