Luuk 3:36 - Di Jamiekan Nyuu Testiment

³⁶ Shiila faada a did Kienan, Kienan a did Arfaksad pikni, Arfaksad faada a did Shem, Shem a did Nowa pikni, Nowa faada a did Lamek,

Luuk 3:36 ပူးပေါင်းရင်းမြစ်များ

2 Piita 2:5

an ef im neva spier di uol taim worl wen im sen flod pan di piipl dem we no bizniz wid im an no lisn we im se, an onggl siev Nowa — wan priicha we priich bout di rait wie — plos sevn ada piipl,

1 Piita 3:20

Dem de spirit de, a di spirit fi di piipl dem we neva fala Gad iina Nowa taim, wen Nowa did a bil di big buot. Gad did a wiet pan dem piipl de ou lang. A onggl iet a dem en op go iina di buot an kom chuu di flod sief sief.

Iibruu 11:7

Afta Gad waan Nowa bout di sitn dem we Nowa kudn si yet, a kaaz Nowa chos iina Gad an av nof nof rispek fi im mek im lisn we Gad se an go bil wan big buot fi siev im fambili. Kaaz Nowa did chos iina Gad so, im kot aaf imself fram di piipl dem iina di worl an shuo se dem rang kaa dem no chos iina Gad. Gad se, “Nowa a sumadi we du wa rait” kaaz Nowa chos iina im.

Luuk 17:27

Piipl did a nyam, jringk, an a get marid op tu di die wen Nowa go iina di aak. Den di flod kom an kil aaf di uol a dem.

Luuk 3:35

Nieyar faada a did Serog, Serog a did Ruu pikni, Ruu faada a did Peleg, Peleg a did Eba pikni, Eba faada a did Shiila,

Luuk 3:37

Lamek a did Metyuuzila pikni, Metyuuzila faada a did Iinok, Iinok a did Jared pikni, Jared faada a did Mayalalel, Mayalalel a did Kienan pikni,