Luuk 3:3 - Di Jamiekan Nyuu Testiment

³ Im go aal roun Jaadn a priich se di piipl dem fi ton we fram dem sin an get baptaiz, an Gad wi paadn dem fi aal di rang we dem du.

Luuk 3:3 ပူးပေါင်းရင်းမြစ်များ

Matyu 3:11

“Mi tek waata baptaiz unu fi shuo se unu ton we fram sin. Bot sumadi a kom we muo powaful dan mi. Mi no iivn gud inof fi aal kyari im slipaz. Im wi tek di Uoli Spirit an faiya, an baptaiz unu.

Luuk 1:16

Im a-go bring bak uol iip a Izrel piipl tu di Laad, we a dem Gad.

Luuk 1:77

Yu a-go mek Gad piipl nuo se di Laad a kom fi siev dem; Im a-go paadn dem so dem kyan get siev.

Luuk 4:1

Afta Jiizas get baptaiz, di Uoli Spirit tek kanchuol a im an mek im go iina di dezot.

Jan 1:28

Nou, aal a dem sitn ya apm wich paat Jan did a baptaiz piipl. Di plies did niem Betani, an it did de pan di iis said a Riva Jaadn.

Jan 3:26

Dem go uova tu Jan an se tu im se, “Tiicha, di man we did de de wid yu pan di ada said a Riva Jaadn — di wan we yu did a taak bout — luk, si'im de a baptaiz tu, an evribadi a go tu im.”

Aks 13:24

Bifuo Jiizas did kom Jan priich tu di Izrel Piipl dem se dem fi ton we fram dem sin an get baptaiz.

Aks 19:4

Paal se, “Jan baptaiz piipl we ton we fram dem sin an shuo se dem sari fi wa dem du. An im tel di Izrel piipl fi biliiv iina di wan we did fi kom afta im, dat a Jiizas.”

Aks 22:16

So wa yu a wiet fa nou? Git op, kaal pan Gad niem, get baptaiz an mek Gad wash we yu sin.’