Luuk 3:13 - Di Jamiekan Nyuu Testiment

¹³ Jan tel dem, “No kalek no muo dan we yu fi kalek.”

Luuk 3:13 ပူးပေါင်းရင်းမြစ်များ

1 Korintiyan 6:10

Bot a no dem wan, piipl we tiif, piipl we waahnti-waahnti, piipl we eva a get jongk, piipl we tek dem mout tier dong ada piipl an piipl we chrik piipl fi get dem moni, no iivn wan a dem a-go tek paat iina Gad Kindom niida.

Luuk 19:8

Zakiyos tan op bifuo evribadi an se tu di Laad, “Luk Laad, aaf a we mi av, mi a-go gi tu di puo, an ef mi rab nobadi, mi wi pie dem bak fuo taim wa mi did tiif.”

Ifiijan 4:28

Aal uu did a tiif mos tap tiif. Wa dem fi du a wok aad fi wa dem waahn. Da wie de, dem wi av inof fi shier wid piipl we no av notn.

Matyu 7:12

So, no mata wa unu a du, unu fi chriit piipl ou unu waahn dem fi chriit unu. Dis a we di Laa an di prafit dem did miin.

Iibruu 12:1

So laik ou wan kroud a piipl de aal bout roun wi, an dem shuo wi aredi ou fi chos iina Gad, wi afi dash aaf evriting we a sluo wi dong iina da ries ya. Di sin we tai op wi fut iizi iizi, wi afi dash dem aaf man, an ron di ries we de infronta wi an no wier out pan di wie.

Luuk 3:12

Taks kalekta kom fi get baptaiz tu. “Tiicha,” dem aks Jan, “wa wi fi du?”

Luuk 3:14

Den som suoja aks Jan, “So wa bout wi, wa wi fi du?” Jan ansa, “No bad op piipl an tek we dem moni ar tel lai pan dem fi get it niida. Unu fi satisfai wid di pie we unu get.”