Luuk 24:44 - Di Jamiekan Nyuu Testiment

⁴⁴ Jiizas tel dem se, “Wen mi did de mongks unu, mi tel unu bout aal a dem sitn ya. Mi tel unu se evriting we rait bout mi iina Muoziz Laa, wa di prafit dem se an we iina di Saamz tu did afi kom chuu.”

Luuk 24:44 ပူးပေါင်းရင်းမြစ်များ

Aks 13:33

Im kip im pramis we im did mek tu wi faada faada dem wen im mek Jiizas kom bak alaiv. Kaaz it rait dong iina Saam tuu se, “ ‘Yu a fi mi bwai pikni; tide tide mi ton yu faada.’

Luuk 9:22

Im se, “Di Man we Gad Pik a-go a fi go chuu nof nof sofarieshan, an di elda, ed priis, an Laa tiicha dem a-go ton dem bak pan im, an dem a-go kil im. Bot afta chrii die paas, im a-go kom bak alaiv.”

Revilieshan 19:10

Wen mi ier dis, mi jrap pan mi nii a im fut fi worship im. Bot im se tu mi se, “No, yu kyaahn du dat! Mi sorv Gad jos laik yu an yu breda an sista dem we biliiv evriting we Jiizas tiich. So a Gad yu fi worship, kaaz di chuu sitn dem we nobadi neva nuo an we Jiizas shuo wi, a dat lou piipl fi pred Gad mesij!”

Iibruu 10:1

Di laa we di Juu piipl dem get a no di riil ting, it a no notn laik di gud gud sitn we a kom. Da laa de a jos laik di sheda fi di riil sitn dem. Kaaz ier afta ier, uova an uova di priis tek di siem sakrifais gi Gad fi mek di piipl dem we kom kom worship get kliin, an stil di sakrifais kyaahn mek di piipl dem kliin iina evri wie.

Jan 5:46

Ef unu did biliiv iina Muoziz, unu wuda biliiv iina mi, kaaz a mi im did rait bout.

Iibruu 9:8

Di Uoli Spirit did a shuo se di wie fi get iina di riil tent, di Uoliyis Plies neehn uopm op yet, so langks di uol tent — di wan pan ort, did stil a yuuz.

Jan 5:39

Unu stodi an stodi Gad wod aad, kaa unu tingk se a dat a-go mek unu nuo ou unu kyan liv fi eva. Bot di sed wod we unu a stodi, taak bout mi,

Jan 3:14

Jos laka ou Muoziz did lif op di siniek iina di dezot, a sed wie so di Man we Gad Pik mos get lif op,

Luuk 24:46

Jiizas tel dem se, “Dis a wa rait dong: Krais a-go sofa, im a-go ded an kom bak afta chrii die,

Iibruu 7:1

Da Melkezidek ya we wi a taak bout, im did a king fi Sielem, an did a di priis fi di Muos Ai Gad tu. A im did miit op Iebriyam an bles im wen Iebriyam did jos a kom baka im yaad afta im go biit aaf di king dem.

Iibruu 3:5

Az wan sorvant we elp an liid Gad piipl dem, Muoziz did aalwiez du wa Gad se im fi du. Im did taak bout di sitn dem we Jiizas wuda se lietaraan.

Aks 7:37

“Dis a di siem Muoziz we tel di Izrelait dem se, ‘Gad a-go sen unu wan prafit jos laik mi fram mongks unu uona piipl.’

Luuk 22:37

Mi a tel unu, it rait dong se, ‘An dem kaal out im niem wid aal di kriminal dem.’ Wa rait dong, afi apm. A mi it a taak bout an it a gwaan rait ya nou an it a-go don suun suun.”

Luuk 21:22

Di taim wa rait dong wen Gad a-go ponish im piipl wuda don de ya.

Luuk 9:44

“Ier wa mi a se an unu lisn mi gud! Dem a-go tek di Man we Gad Pik an gi im uova tu piipl we iet im.”

Matyu 26:56

Bot dis ya apm so wa di prafit dem se iina Gad wod kyan kom chuu.” Den aal a im speshal falara dem ron we lef im.

Matyu 26:54

Bot ef mi du dat, ou wa rait dong iina Gad wod, we se a so it fi go, wuda kom chuu, iihn?”

Matyu 16:21

Fram da taim de, Jiizas staat mek im falara dem nuo se im afi go a Jeruusilem, an di elda, ed priis an Laa tiicha dem a-go mek im sofa uol iip a sitn. Dem a-go kil im, bot chrii die afta dat im a-go kom bak alaiv.

1 Piita 1:11

Dem did chrai fi fain out a uu ar a wa taim Krais Jiizas Spirit, we iina dem, did aalwiez a taak bout. Di Spirit tel dem wie bifuo da taim ya se Krais Jiizas did a go sofa. An di Spirit tel dem bout aal a di gud gud sitn dem we a-go apm afta dat tu.

Aks 3:18

Bot lang bifuo it apm, Gad tel im prafit dem se di wan we im wuda sen fi siev piipl wuda sofa, an a siem so im mek it apm.

Maak 9:31

kaaz im did a tiich im falara dem. Im tel dem se, “Sumadi a-go sel out Di Man we Gad Pik an gi im uova tu piipl we iet im. Dem a-go kil im, bot chrii die afta dat, im a-go kom bak alaiv.”

Matyu 1:22

Nou aal a dem sitn ya apm fi mek wa di Laad did tel di prafit fi se kom chuu.

Aks 2:27

Kaaz yu naa go figet mi an lef mi suol mongks di ded, an yu naa go lef yu sorvant we aalwiez du wa yu se fi ratn iina di griev.

Aks 13:40

Main wa di prafit dem se kech unu: dem se,