Luuk 24:27 - Di Jamiekan Nyuu Testiment

²⁷ Jiizas eksplien tu dem aal a di sitn dem we did rait dong bout im, fram wa Muoziz did se tu aal a wa di ada prafit dem did se.

Luuk 24:27 ပူးပေါင်းရင်းမြစ်များ

Luuk 24:44

Jiizas tel dem se, “Wen mi did de mongks unu, mi tel unu bout aal a dem sitn ya. Mi tel unu se evriting we rait bout mi iina Muoziz Laa, wa di prafit dem se an we iina di Saamz tu did afi kom chuu.”

Aks 10:43

Aal a di prafit dem taak bout im an se Gad wi paadn enibadi we biliiv iina Jiizas fi aal a dem sin kaaz dem chos iina Jiizas.”

Jan 5:39

Unu stodi an stodi Gad wod aad, kaa unu tingk se a dat a-go mek unu nuo ou unu kyan liv fi eva. Bot di sed wod we unu a stodi, taak bout mi,

Jan 1:45

Afta Jiizas fain im, Filip fain Nataniyel an tel im se, “Wi fain di sumadi we Muoziz rait bout iina di Laa, di sed wan di prafit dem rait bout tu. Im niem Jiizas an im kom fram Nazaret. Im a Juozif bwai pikni.”

Luuk 24:25

Jiizas se tu dem se, “Ou unu fuul-fuul so, unu aat so tof unu no waahn fi biliiv aal a wa di prafit dem se!

Aks 7:37

“Dis a di siem Muoziz we tel di Izrelait dem se, ‘Gad a-go sen unu wan prafit jos laik mi fram mongks unu uona piipl.’

Aks 3:24

“An aal a di prafit dem, fram Samwel kom dong, taak bout di sitn dem we a apm iina dem taim ya lang bifuo dem apm.

Aks 3:22

Kaaz Muoziz did se, ‘Di Laad, fu'unu Gad, a-go riez op wan prafit laik mi. Da prafit de a-go bi fu'unu, an im a-go kom fram mongks unu uona piipl. Unu mos lisn an du evriting we im se.

Revilieshan 19:10

Wen mi ier dis, mi jrap pan mi nii a im fut fi worship im. Bot im se tu mi se, “No, yu kyaahn du dat! Mi sorv Gad jos laik yu an yu breda an sista dem we biliiv evriting we Jiizas tiich. So a Gad yu fi worship, kaaz di chuu sitn dem we nobadi neva nuo an we Jiizas shuo wi, a dat lou piipl fi pred Gad mesij!”

Maak 4:34

Evriting im tel dem im yuuz tuori fi tel dem. Bot wen im de mongks im speshal falara dem, im brok dong evriting tu dem fi mek dem andastan.

Jan 5:37

An di Faada se tingz bout mi tu. Unu neva ier im vais yet, an unu neva si'im fi nuo ou im luk non at aal.

Jan 12:41

Aizaiya se dem sitn ya, kaaz im did si ou Krais big an powaful. Im did si an taak bout im.

Aks 3:18

Bot lang bifuo it apm, Gad tel im prafit dem se di wan we im wuda sen fi siev piipl wuda sofa, an a siem so im mek it apm.

Aks 8:35

So Filip staat a di siem paat we im did a riid an priich tu im di Gud Nyuuz bout Jiizas.