Luuk 24:19 - Di Jamiekan Nyuu Testiment

¹⁹ Jiizas aks dem, “Wa kain-a sitn?” Dem se tu im se, “Bout Jiizas fram Nazaret. Im did se an du som powaful sitn yu si we shuo aal di piipl dem se im a wan a Gad prafit dem.

Luuk 24:19 ပူးပေါင်းရင်းမြစ်များ

Matyu 21:11

An di kroud a piipl dem we did a fala baka Jiizas did a se, “A di prafit Jiizas dis ya we kom fram Nazaret iina Gyalalii.”

Maak 1:24

“Jiizas a Nazaret, wa yu waahn wid wi? A kom yu kom fi kil wi aaf? Mi nuo uu yu bi! Yu a di Uoli Wan we kom fram Gad!”

Luuk 24:18

Di wan niem Kliiyopas, se tu Jiizas se, “Yu mosi di onggl sumadi we kom iina Jeruusilem we no nuo bout di sitn dem wa apm dem laas kopl a die ya.”

Luuk 7:16

Evribadi fraitn, an dem staat priez Gad. Dem se, “Wan a di prafit dem de ya mongks wi, wan powaful wan! Gad kom fi elp im piipl dem.”

Jan 3:2

Im go luk fi Jiizas wan nait an se tu im se, “Tiicha, wi nuo se a Gad sen yu fi kom tiich, kaa nobadi kyaahn wok di mirikl dem we yu wok, ef a no Gad a kaaz dem fi dwi'it.”

Jan 4:19

“Sar,” shi se tu Jiizas, “mi kyan si se yu a wan prafit.

Jan 6:14

Wen di piipl dem si di powaful sitn we Jiizas du, dem staat se tu dem wan aneda, “A di Prafit we did fi kom iina di worl dis fi chuu!”

Jan 7:52

Bot dem se tu im se, “Yu no kom fram Gyalalii tu? Go chuu Gad wod an si fi yuself — no prafit neva eva kom outa Gyalalii yet!”

Aks 10:38

Unu nuo ou Gad did gi Jiizas we kom fram Nazaret im Uoli Spirit an powa. Jiizas go aal bout a du gud sitn, an aal a di piipl we di devl did kanchuol, Jiizas frii dem kaaz Gad did de wid im.

Aks 2:22

“Unu Izrel piipl, ier we mi a se: Gad yuuz di mirikl, sain an powaful sitn dem we im did mek Jiizas du mongks unu, fi shuo unu klier klier se im did a wok wid Jiizas, di man fram Nazaret.

Aks 7:22

Dem tiich Muoziz aal a di waiz sitn dem we di Iijip piipl dem nuo an im ton wan big impuotant man we se an du som big impuotant sitn.