Luuk 23:34 - Di Jamiekan Nyuu Testiment

³⁴ Jiizas se, “Faada Gad paadn dem, dem no nuo wa dem a du.” Den dem chuo dais fi shier op Jiizas kluoz.

Luuk 23:34 ပူးပေါင်းရင်းမြစ်များ

Matyu 11:25

Da taim de, Jiizas se, “Faada, a yu ron evriting iina evn an pan ort, mi priez yu. Mi priez yu kaa yu aid dem sitn ya fram piipl we tingk se dem brait an av nof sens, bot yu shuo lili pikni dem.

Matyu 11:26

Yes Faada, a dat yu did api fi du.

Matyu 5:44

Bot dis a wa mi a se, lov unu enimi dem an prie fi di piipl dem we chriit unu bad an mek unu sofa.

Maak 15:24

Den dem niel im pan di kraas. Di suoja dem chuo dais fi shier op im kluoz an fi fain out uu fi get wich paat.

Luuk 22:42

“Faada, ef yu waahn fi dwi'it, tek da kop ya fram mi, bot ef a no dat yu waahn, aarait den.”

Jan 17:9

“Mi a prie fi dem. Mi naa prie fi di worliyan dem. Mi a prie fi dem we yu gi mi, kaa dem a fi yu.

Jan 19:11

Jiizas ansa im an se, “Yu wudn av no powa uova mi ef Gad neehn gi yu it. So den di sumadi we kyari mi kom gi yu du wan wosa sin dan yu.”

Aks 16:28

Bot Paal baal out tu im se, “No kil yuself kaaz aal a wi stil de ya!”

Aks 3:17

“Nou mi breda an sista, mi nuo se unu an unu liida dem neva nuo wa unu did a du.

Aks 7:60

Den im jrap pan im nii an kaal out, “Laad, no uol da sin ya gens dem.” Afta im se dat im ded.

Ruoman 12:14

Di piipl we a kaaz unu fi sofa, unu mos prie an aks Gad fi bles dem; aalwiez aks Gad fi bles piipl, no prie an aks im fi du notn bad tu dem.

1 Korintiyan 2:8

Non a di piipl dem we a ruul iina dem taim ya did andastan da plan de. Kaaz ef dem did andastan it dem wuda neva tek wi big an powaful Laad, an niel im op pan wan kraas kil im.

1 Korintiyan 4:12

Wi tek wi uona an dem an wok aad aad. Wen piipl kos wi an se aal kain-a sopm bout wi, aal wi du a bles dem. Wen piipl mek wi a sofa, wi no gi op wi jos gwaan uol chrang.

1 Timoti 1:13

Im pik mi iivn duo mi yuus tu kos im an taament im piipl dem. Duo mi did wikid, im di stil gud an kain tu mi kaaz im si se dem taim de mi neva biliiv iina im an mi neva riili nuo wa mi did a du.

1 Piita 3:9

Wen sumadi du unu sopm, unu no fi du dem bak notn. An wen dem kos unu out, no bada kos dem aaf; insted-a dat unu fi aks Gad fi bles dem kaaz Gad kaal unu fi bles unu.