Luuk 23:25 - Di Jamiekan Nyuu Testiment

²⁵ Im let go di man we dem did aks fa. Di wan we did mek piipl fait gens dem ruula an we did morda piipl. An Pailat gi dem Jiizas fi du wa dem waahn du wid im.

Luuk 23:25 ပူးပေါင်းရင်းမြစ်များ

Matyu 27:26

Den im let go Barabas gi dem. Im mek dem tek wip biit Jiizas, an den gi im uova fi dem niel im pan di kraas.

Maak 15:15

Pailat did waahn fi mek di kroud a piipl api, so im let go Barabas. Den im mek di suoja dem biit Jiizas. Afta dat im ton im uova tu dem fi dem kil im pan di kraas.

Luuk 23:2

Dem staat tel bier lai pan Jiizas se, “Wi kech da man ya a chrai fi mek di piipl dem go gens di govament. Im waahn wi fi tap pie taks tu Siiza di Ruoman ruula an kliem se im a Krais — bout im a King.”

Luuk 23:24

So, Pailat gi dem wa dem waahn.

Luuk 23:26

Siem taim dem a liid we Jiizas, dem grab Saiman we kom fram Sairiin, im did a kom fram konchri. Dem fuos im fi waak baka Jiizas an kyari di kraas.

Luuk 23:5

Bot dem stil a push, “Im rail op di piipl aal uova Judiya wid we im tiich. Im staat iina Gyalalii an kom aal di wie op ya-so wid it.”

Jan 18:40

Dem shout bak se, “A no dis ya man ya wi waahn. Gi wi Barabas. (Nou, Barabas did fait gens di Ruoman dem.)

Jan 19:16

So den Pailat gi Jiizas uova tu di Juu liida dem fi dem kil im pan di kraas. An dem tek im an kyari im we.

Aks 3:14

Iivn duo Jiizas aalwiez sorv Gad an du we rait, unu ton unu bak pan im an aks fi dem le'go wan mordara insted-a im.