Luuk 22:44 - Di Jamiekan Nyuu Testiment

⁴⁴ Jiizas did a sofa an dat mek im prie aada. Im swet komiin laik blod a jrap a grong.

Luuk 22:44 ပူးပေါင်းရင်းမြစ်များ

Luuk 22:45

Jiizas get op fram wich paat im did a prie. Im go bak tu im speshal falara dem, onggl fi si se dem a sliip. Dem did taiyad out kaaz aal a di sitn dem we Jiizas did tel dem, dem did a tek it wel aad.

Jan 12:27

“Mi aat evi, rait ya nou. An wa mi fi se? ‘Faada, no mek mi go chuu da sofarieshan ya?’ Nuo! A fi da sed riizn ya mi kom iina di worl — fi go chuu di sofarieshan we a kom.

Ruoman 8:32

Gad neva tap im uona Bwai Pikni fram sofa. Im gi im op an sen im fi ded fi wi. Nou ef Gad gi op im Bwai Pikni fi wi, unu no tingk im wi muor dan gi wi evriting els?

Iibruu 5:7

Wen Jiizas did de ya pan ort a liv, im did prie tu Gad aad aad, di wan we kuda siev im an no mek im ded. Im krai out loud an baal yai-waata. An Gad did ier im kaaz Jiizas did ombl imself, chos iina Gad an did eva redi fi du wa Gad tel im fi du.