Luuk 22:42 - Di Jamiekan Nyuu Testiment

⁴² “Faada, ef yu waahn fi dwi'it, tek da kop ya fram mi, bot ef a no dat yu waahn, aarait den.”

Luuk 22:42 ပူးပေါင်းရင်းမြစ်များ

Matyu 11:25

Da taim de, Jiizas se, “Faada, a yu ron evriting iina evn an pan ort, mi priez yu. Mi priez yu kaa yu aid dem sitn ya fram piipl we tingk se dem brait an av nof sens, bot yu shuo lili pikni dem.

Matyu 11:26

Yes Faada, a dat yu did api fi du.

Matyu 20:22

So Jiizas se tu ar se, “Yu no nuo wa yu a aks mi se! Unu kyan jringk wa mi bout fi jringk? A sofa mi a-go sofa yu no.” Di bwai dem se, “Ye, wi kyan du dat!”

Matyu 26:39

Jiizas go out likl forda an dash imself a grong, ton dong im fies an im prie. Im se, “Mi Faada, ef yu kyan dwi'it, du, tek da kop ya fram mi! Bot a no wa mi waahn stil, a wa yu waahn.”

Matyu 26:42

Im go we wan sekan taim go prie. Im se, “Mi Faada, ef dis a di onggl wie, an mi afi jringk fram da kop ya, den mi afi du wa yu waahn.”

Matyu 26:44

So im lef dem agen an go we go prie wan tord taim. Im se di sed ting agen.

Matyu 6:10

Mek di taim kom wen yu ruul iina evri wie. Mek we yu waahn apm pan ort apm, jos laik ou a wa yu waahn fi apm iina evn apm

Maak 14:36

Im se, “Faada, mi faada, notn no de we yu kyaahn du. Siev mi fram dem torbl sofarieshan ya! Bot ef a so yu waahn it fi go, aarait den.”

Luuk 23:34

Jiizas se, “Faada Gad paadn dem, dem no nuo wa dem a du.” Den dem chuo dais fi shier op Jiizas kluoz.

Jan 18:11

Bot Jiizas se tu Piita se, “Put bak yu suod iina it kies! Mi no fi jringk outa di kop we mi Faada gi mi fi jringk outa? Mi no fi sofa?”

Jan 4:34

“Fi mi fuud,” Jiizas se tu dem, “a fi du we di wan we sen mi kom ya waahn mi fi du, an fi finish op di wok im gi mi.

Jan 5:30

Mi kyaahn du a ting pan mi uon. Mi onggl joj piipl di wie mi Faada tel mi fi dwi'it, an mi dwi'it rait, kaa mi naa dwi'it fi mek miself api. Nuo! Mi dwi'it fi mek di wan we sen mi kom ya api.

Jan 6:38

Kaa mi kom dong fram outa evn fi du wa Gad waahn mi fi du, no fi du mi uona ting.

Aks 21:14

Wen wi si se wi kudn get im fi chienj im main an no go, wi gi op an jos se, “Laad, mek we yu waahn fi apm apm!”