Luuk 22:36 - Di Jamiekan Nyuu Testiment

³⁶ Jiizas tel dem se, “Nou, ef unu av moni kyari it wid unu, ef unu av wan bag kyari it tu, an ef unu naa no suod, sel unu jakit an bai wan.

Luuk 22:36 ပူးပေါင်းရင်းမြစ်များ

1 Tesaluoniyan 3:4

Memba wen wi did de wich paat unu de, wi did waan unu lang bifuo it apm se wi did a go sofa? An si de — a dat apm! Unu don nuo dat aredi.

Jan 16:33

“Mi tel unu dem sitn ya so dat unu kyan av piis iina unu aat kaa mi an unu a wan. Iina da worl ya, unu gweehn av chobl an sofarieshan. Bot no fret! Mi don win di fait wid di worl.”

1 Piita 4:1

Sins Krais Jiizas sofa wen im did a waak pan da ort ya, a siem wie unu fi get unu main redi fi sofa tu. Kaaz enibadi we staat sofa so, a ton dem ton dem bak pan sin.

Jan 15:20

Memba we mi did tel unu se, ‘No sorvant no biga dan im maasta.’ Ef dem mek mi sofa den dem mos a-go mek unu sofa tu. Ef dem du wa mi tiich dem fi du, dem a-go du wa unu tiich dem fi du tu.

Matyu 10:10

Wen unu a go pan di ruod no bring no bag, no ekschra shot, slipaz ar waakn tik, kaa di wokman dem dizorv fi get di sitn dem we dem niid fi liv.

Luuk 22:35

Den Jiizas aks dem se, “Di taim mi did sen unu widout moni, an tel unu no fi pak no bag ar kyari no ada slipaz, unu did shaat a notn?” Dem ansa Jiizas se, “Nuo wi neehn shaat a notn.”

Luuk 22:37

Mi a tel unu, it rait dong se, ‘An dem kaal out im niem wid aal di kriminal dem.’ Wa rait dong, afi apm. A mi it a taak bout an it a gwaan rait ya nou an it a-go don suun suun.”

Luuk 22:38

Im falara dem tel im se, “Laad, si tuu suod ya.” “Dat wi du,” Jiizas se.