Luuk 22:32 - Di Jamiekan Nyuu Testiment

³² Bot mi prie fi yu, Saiman, so yu no tap biliiv. An wen yu chos iina mi muo agen, elp yu breda dem fi chos iina mi tu.”

Luuk 22:32 ပူးပေါင်းရင်းမြစ်များ

Matyu 18:3

Den im se tu dem se, “Mi tel unu dis ya, an a chuu mi de taak, ef unu no chienj ou unu tan an staat ombl unuself laik pikni, non a unu naa go put unu fut iina Gad kindom.

Matyu 26:75

Den Piita memba we Jiizas did se: “Bifuo di ruusta kruo, yu a-go se yu no nuo mi, chrii taim.” Piita go outsaid an im baal, an im baal, an im baal so til.

Maak 14:72

Siem taim wan ruusta kruo, dat mek di sekan taim. Den Piita memba ou Jiizas did tel im se, “Bifuo di ruusta kruo tuu taim, yu a-go se yu no nuo mi chrii taim.” An Piita staat baal, an im baal an baal so til.

Maak 16:7

So go tel im falara dem, an Piita tu, se im a go a Gyalalii bifuo dem kom. Unu wi si im de, jos laik wa im did tel unu.”

Luuk 8:13

Di siid dem we jrap pan di grong we bier rakstuon de, a piipl we glad fi Gad wod, biliiv Gad wod fi likl bit, bot siem laik di plaant dem uufa ruut no go dong diip iina di grong, dem no mek Gad wod go diip iina dem aat. Dem biliiv fi likl bit, bot wen taim kom fi dem get tes, dem ton bak — siem laik ou di plaant jrai op an ded.

Jan 14:19

Likl muo fram nou, di worliyan dem naa go si mi agen, bot unu gweehn si mi. Kaa mi a liv, unu gweehn liv tu.

Aks 3:19

So ton we fram unu sin, beg Gad paadn an kom bak tu im, so dat im wi tek we unu sin dem.

Ruoman 8:32

Gad neva tap im uona Bwai Pikni fram sofa. Im gi im op an sen im fi ded fi wi. Nou ef Gad gi op im Bwai Pikni fi wi, unu no tingk im wi muor dan gi wi evriting els?

Ruoman 8:34

So den uu kyan joj di piipl we Gad pik an se dat dem gilti? Nobadi! Nobadi kyaahn du dat! Jiizas Krais we did ded an kom bak alaiv an uu sidong a Gad rait an, a taak tu Gad an a beg fi wi.

2 Timoti 2:18

Dem a tiich sopm we faar fram di chuut. Dem a se ou Gad piipl ded an kom bak aredi, an a kaaz som piipl fi tap biliiv iina Jiizas Krais.

Taitos 1:1

Taitos, dis a Paal, wan sliev fi Gad an wan a Jiizas apasl. Gad sen mi fi tiich im piipl dem ou fi biliiv iina im muor an fi elp dem andastan Gad wod beta. Im waahn mi fi tiich dem di chuut so dat dem wi liv ou im waahn dem fi liv.

Iibruu 12:15

Gad lov wi iivn duo wi no dizorv it, so mek shuor se nobadi no ton dem bak pan wa im du fi dem. An mek shuor se nobadi no galang laik bita ruut we gruo kom ton bita chrii. Dem piipl de wi kom kom mek chobl an brok out wan bag a piipl. Mek shuor se dat no apm.

Iibruu 7:25

Piipl kyan kom tu Gad siek-a im an im kyan siev dem piipl de fi eva an eva. Im kyan siev dem fi eva kaaz im naa ded so im kyan aalwiez taak tu Gad fi dem.

1 Piita 1:1

Mi a Piita, wan a Jiizas Krais apasl dem — wan a di twelv man dem we did a waak wid im. Mi a rait tu unu, Gad piipl we skyata-skyata aal bout an a liv iina Pontos, Gyaliesha, Kyapaduoshiya, Iezha an Bitiniya.

1 Piita 1:13

So siek-a aal we Gad du, mek shuor se unu get unu main redi fi akshan. Kanchuol unuself an staat liv siiros. Kip unu main onggl pan di blesn dem we Gad a-go gi unu wen Krais Jiizas kom bak.

1 Piita 1:5

Di siem wie Gad tek kier a dem, a siem so im powa a-go kip unu sief tu, kaaz unu chos iina im. Im a-go kip unu sief an siev unu iina evri wie, an a pan di laas die unu a-go si aal a dat.

2 Piita 3:14

So fren, wail unu a wiet pan dis, unu fi mek shuor se unu liv rait, an no mek Gad fain no faalt wid unu.

1 Jan 2:19

Dem piipl de lef fram mongks unu, bot dem a neva did riili paat a unu at aal. Ef dem a did paat a unu dem wuda tan wid unu. Bot wen dem lef, dat shuo se dem a neva paat a unu choch at aal at aal.