Luuk 22:30 - Di Jamiekan Nyuu Testiment

³⁰ so unu kyan nyam an jringk a mi tiebl iina mi kindom, sidong pan chuon, an joj Izrel twelv chraib dem.

Luuk 22:30 ပူးပေါင်းရင်းမြစ်များ

Matyu 19:28

So Jiizas se tu dem se, “Ier mi no, an a chuu mi a taak: Wen Gad mek evriting nyuu agen, an di Man we Gad Pik sidong pan im tap-a-tap chuon, aal a unu, we fala mi, a-go sidong pan unu uona chuon tu. Unu a-go sidong pan twelv chuon a joj Izrel twelv chraib dem.

Matyu 5:3

“Aal a unu we nuo se unu niid Gad iina evri wie, Gad bles unu, kaa di gud sitn dem we Gad gi wen im ruul piipl laif iina evri wie, a unu a-go get dem.

Matyu 8:11

Ier mi no, uol iip a piipl fram iis an wes a-go kom sidong iit big dina wid Iebriyam, Aizak an Jiekob op a evn iina Gad kindom.

Luuk 12:37

It a-go gud fi di sorvant dem uufa maasta fain dem bizi a wiet fi'im kom bak. Mi a tel unu dis, di maasta imself a-go put aan im wok kluoz, mek dem sidong a di tiebl, an im wi sorv dem.

Luuk 14:15

Wan a dem we de a di tiebl an ier we Jiizas se, se tu im, “Di wan we a-go nyam a Gad tiebl, a im bles.”

2 Timoti 2:12

Ef wi no gi op, Wi a-go ruul wid im tu. Ef wi gwaan laik wi no nuo im, im wi gwaan laik im no nuo wi.

Jiemz 1:1

Da leta ya a kom fram Jiemz wan sliev fi Gad an di Laad Jiizas Krais. Mi a rait da leta ya tu di twelv chraib a Gad piipl dem wa skyata skyata aal uova di worl. Oudi tu aal a unu.

Revilieshan 19:9

Den di ienjel se tu mi se, “Rait dis dong: ‘Di wan dem we get invait fi kom a di Biebi Shiip wedn sopa, a dem api.’ ” Den di ienjel se tu mi se, “Wa mi a tel yu, a Gad wod we chuu.”

Revilieshan 3:21

Enibadi we biit di devl an no gi iin tu di sitn dem we im waahn dem fi du, mi a-go gi im di rait fi sidong saida mi, pan mi chuon, siem laik ou mi did biit di devl an no gi iin tu di sitn dem we im did waahn mi fi du, an sidong saida mi Faada pan fi'im chuon.

Revilieshan 4:4

Roun di fos chuon, mi si twenti-fuo ada chuon wid twenti-fuo elda sidong pan dem. Di twenti-fuo elda dem did av aan wait kluoz, an evri wan a dem av aan wan guol kroun pan dem ed.