Luuk 22:29 - Di Jamiekan Nyuu Testiment

²⁹ An nou mi a mek unu king, jos laik ou fi mi Faada mek mi king,

Luuk 22:29 ပူးပေါင်းရင်းမြစ်များ

Matyu 24:47

Mi tel unu dis, an a chuu mi a taak, di maasta a-go put im inchaaj a evriting im uon.

Matyu 25:21

“Im maasta se, ‘Yu du gud mi sorvant! Yu a wan gud sorvant an mi kyan chos yu. Yu tek gud kier a wan likl sitn, so mi a-go mek yu tek chaaj a biga tingz! Kom kom nyam fuud an daans an praans wid mi.’

Matyu 25:34

“Den di king a-go se tu di wan dem pan im rait-an-said se, ‘aal a unu we mi Faada bles, kom kom tek Gad Kindom, a fu'unu uon. Gad did fiks it op fu'unu fram im a mek di worl.

Matyu 28:18

Den Jiizas kom kom se tu dem se, “Gad gi mi powa uova evriting we a liv iina evn an pan ort.

Matyu 5:10

Di piipl dem we ada piipl mek sofa jos kaaz dem liv ou Gad waahn piipl fi liv, Gad bles unu, kaa di gud sitn dem we Gad gi wen im ron piipl laif ou im waahn ron it, a dem sitn de unu a-go get.

Matyu 5:3

“Aal a unu we nuo se unu niid Gad iina evri wie, Gad bles unu, kaa di gud sitn dem we Gad gi wen im ruul piipl laif iina evri wie, a unu a-go get dem.

Luuk 12:32

“So, unu we a fala mi, no bada fried. Unu Faada api fi gi unu im kindom.

Luuk 19:17

“Im maasta se, ‘Yu du gud mi sorvant! Siek-a ou yu anggl wan sumaal sitn, tek chaaj a ten siti.’

1 Korintiyan 9:25

Enibadi we a rona ar uu plie eni kain-a spuot afi eksasaiz an wok aad evridie. Dem afi nuo ou fi kanchuol demself iina evriting we dem du. Dem du dat so dat dem kyan win wan medal. Di medal we dem win kyan mash op bot yu si wa wi a-go get, dat kyaahn mash op — it a-go laas fi eva an eva.

2 Korintiyan 1:7

Wi biliiv iina unu an wi nuo se unu wi gwaan biliiv no mata wa unu fies kaaz jos laik ou unu sofa wid wi, Gad wi elp unu siem laik ou im elp wi.

2 Timoti 2:12

Ef wi no gi op, Wi a-go ruul wid im tu. Ef wi gwaan laik wi no nuo im, im wi gwaan laik im no nuo wi.

Jiemz 2:5

Mi breda an sista, ier wa mi a se. No Gad pik di puo piipl iina di worl fi bles dem kaaz dem biliiv iina im? Im pik dem fi tek paat iina im kindom wa im pramis fi gi aal uu lov im.

1 Piita 5:4

An wen di Ed Shepad kom bak, unu wi get wan shaini kroun we naa go fied out.

Revilieshan 21:14

Di waal a di siti did bil op pan twelv big big stuon. An evri wan a di stuon dem did av di niem fi wan a di Biebi Shiip twelv apasl dem rait dong pan it.