Luuk 22:26 - Di Jamiekan Nyuu Testiment

²⁶ Bot unu no fi galang laka dem. Di wan we av di tap tap pozishan fi gwaan laik di wan we de a di batam, an di liida fi gwaan laik di sorvant.

Luuk 22:26 ပူးပေါင်းရင်းမြစ်များ

Matyu 20:26

A no so it fi go mongks unu! Insted-a dat, ef nobadi waahn av tap pozishan mongks unu, dem afi sorv unu,

Maak 10:43

Bot a no so it go mongks unu. Insted-a dat, ef nobadi waahn av tap pozishan mongks unu, dem afi sorv unu,

Maak 9:35

Afta Jiizas sidong, im kaal im twelv falara dem an se, “Ef non a unu waahn di tap-a-tap pozishan, unu afi sekl fi laas plies an sorv evribadi.”

Luuk 9:48

Jiizas se tu dem se, “Enibadi we welkom da likl pikni ya, kaa im chos iina mi, welkom mi tu. An enibadi we tek mi iin, tek iin di wan we sen mi tu. Di wan mongks unu we de a di batam, a im av di tap a tap pozishan.”

Ruoman 12:2

No mek di piipl we de iina di worl tel unu ou fi liv. Insted-a dat mek Gad chienj di wie ou unu tingk so dat im kyan chienj di wie ou unu a liv. Da wie de unu wi nuo aal a wa Gad waahn unu fi du — unu wi nuo we rait, unu wi nuo wa mek Gad api an unu wi nuo ou im waahn unu fi liv.

1 Piita 5:3

No aada-aada roun di piipl dem we Gad gi unu fi tek kier a. Bot unu fi biyiev gud so dem wi waahn fala unu.

1 Piita 5:5

Nou fi di wan dem we yongga dan di elda dem, a siem so unu fi lisn di elda dem an du wa dem se unu fi du. Evribadi we de iina di choch, unu fi ombl unuself an elp unu wan aneda, kaaz unu si iina Gad wod se, “Gad fait gens enibadi we buosi, bot im bles di wan dem we ombl demself.”