Luuk 22:19 - Di Jamiekan Nyuu Testiment

¹⁹ Jiizas tek op di bred, gi Gad tangks an brok it op gi dem, an se, “Dis a mi badi, we mi a gi op fi unu. Unu fi du dis fi memba mi.”

Luuk 22:19 ပူးပေါင်းရင်းမြစ်များ

1 Korintiyan 10:16

Di kop we wi yuuz wen wi av Laad sopa an we wi gi Gad tangks fa: wen wi jringk fram it wi naa tek paat iina wa Jiizas Krais did du fi wi wen im blod bliid out pan di kraas? An wen wi brok di bred a no tek wi a tek paat iina im badi tu?

Luuk 22:20

A siem so wen dem don nyam, im tek di kop an se, “Da wain ya a di nyuu pramis wa Gad mek wid mi blod we a-go puor out fi unu.

1 Korintiyan 10:4

An di uol a dem did jringk di siem jringks we Gad iina im powa did gi dem fi jringk. Gad wok wan mirikl an mek waata kom outa rak, an a dat dem jringk. An di rak we di waata kom fram a did Krais Jiizas.

Taitos 2:14

Im a di wan we gi op im laif fi siev wi fram aal kain-a wikidnis an mek wi kliin so wi kuda bi im piipl; piipl we eva a chrai fi du gud.

1 Piita 2:24

Jiizas — im did fiil uol iip a pien iina im badi fi wi wen im did de pan di kraas siek-a fi wi sin. Im du dat so sin wi no av no muo powa uova wi, an wi kyan liv an du wa rait. An siek-a di sofarieshan we im go chuu: di biit op biit op an di kot op kot op we bata bruuz im, chuu dat yu did get iil.

Ifiijan 5:2

Lov unu wan aneda, jos laik ou Krais Jiizas lov unu. Im gi op im laif fi wi laik wan swiit sakrifais we dem bon pan alta gi Gad.

Gyalieshan 1:4

Jiizas gi op im laif fi siev wi fram wi sin dem an fi frii wi fram aal a di wikid sitn dem we a apm nou. A dat Faada Gad did waahn im fi du an so a dat im du.

Jan 6:51

Mi a di fuud we gi laif, an we kom dong fram outa evn. Ef enibadi nyam dis ya fuud ya, dem a-go liv fi eva. Mi uona badi a di fuud we mi gweehn gi so di piipl dem iina di worl kyan liv.”

Luuk 24:30

Im sidong a di tiebl wid dem. Jiizas tek bred, gi tangks, brok it an gi dem.

Matyu 14:19

Den im tel di piipl dem fi go sidong pan di graas. Im tek di faiv bred an tuu fish an im luk op iina di skai, gi tangks an brok op di bred dem. Im gi im falara dem, an dem tek it gi di piipl dem.

Jan 6:23

Den nou, som buot komiin fram Taibiiriyos an sekl saida wich paat di piipl dem nyam di fuud afta di Laad did gi tangks fi it.

Luuk 22:17

Jiizas tek op di kop an gi Gad tangks. Den im se tu dem se, “Tek dis an shier it op mongks unu wan aneda.

1 Tesaluoniyan 5:18

No mata wa apm gi Gad nof tangks kaaz a dat Gad waahn unu fi du nou dat unu an Jiizas Krais kluos.

Gyalieshan 4:25

So nou Iegar tan fi Mount Sainai we de iina Ariebiya. Shi komiin laik Jeruusilem iina dem taim ya, kaaz, siem laik ou Iegar an ar pikni a did sliev, a siem so di piipl dem we liv a Jeruusilem a sliev tu di Laa.

Matyu 15:36

im tek di sevn bred an di fish dem, gi tangks, brok dem op an staat gi im falara dem, an dem gi di piipl dem.