Luuk 21:25 - Di Jamiekan Nyuu Testiment

²⁵ “Sain a-go de iina di son, di muun an di staar dem. Pan di ort, di piipl dem we a no Juu a-go twis an ton an no nuo wa fi du wen dem ier di sii a ruor.

Luuk 21:25 ပူးပေါင်းရင်းမြစ်များ

Revilieshan 20:11

Den mi luk an si wan big, big, wait chuon an sumadi sidong pan it. Di ort an di skai did disapier fram infronta im an nobadi neva si dem agen.

Aks 2:19

Mi a-go shuo som powaful sitn op iina di skai an shuo som sain pan da ort ya, blod an faiya an wan ton a sumuok.

Maak 13:26

“Den evribadi wi si di Man we Gad Pik a kom iina di kloud dem an im a-go av powa an wan brait brait lait a shain roun im.

Maak 13:24

“Bot iina dem die de, rait afta di torbl sofarieshan, “ ‘Di son a-go daak op, an di muun a-go tap shain;

Matyu 24:29

“Bot iina dem taim de, likl afta di sofarieshan don, “Di son a-go daak op, di muun naa go shain an di staar dem a-go jrap outa di skai. Evriting we iina di skai a-go get shiek outa dem plies.

Maak 15:33

Wen it riich migl die, di uol plies get daak til bout chrii aklak di iivnin.

Matyu 27:45

Nou fram migl die di uol plies get daak til chrii aklak.

Luuk 21:24

Dem enimi a-go yuuz suod kil aaf som a dem, an tek som a dem ton prizna a farin. Di piipl dem we a no Juu a-go ruul uova Jeruusilem an mek dem sofa til fi dem taim don.

Luuk 21:26

Piipl a-go kech dem fried an kin uova kaaz dem a-go wanda wa a-go apm tu di worl, kaaz evriting we de iina di skai a-go get shiek outa dem plies.