Luuk 20:36 - Di Jamiekan Nyuu Testiment

³⁶ An dem naa go kyan ded agen, kaaz dem komiin laik ienjel an dem a Gad pikni. Dem a Gad pikni kaaz Gad mek dem kom bak alaiv.

Luuk 20:36 ပူးပေါင်းရင်းမြစ်များ

Revilieshan 21:4

Gad a-go waip dem fies an jrai op aal a dem yai-waata. Nobadi naa go ded agen, so nobadi naa go ala ar baal. An nobadi naa go fiil no pien, kaaz dem uol taim sitn de don we wid.”

Filipiyan 3:21

Im a-go yuuz im powa an kanchuol evriting. An im a-go yuuz da siem powa de an chienj wi wiik badi dem, an mek dem komiin laik fi im powaful badi.

Matyu 22:30

Kaaz wen ded piipl kom bak, dem naa go a get marid, kaa dem taim de dem komiin laik ienjel we de a evn.

Revilieshan 20:6

Di piipl dem we kom bak alaiv di fos taim riili api. Dem a Gad piipl. Di sekan det no av no powa uova dem. Dem a-go ton priis fi Gad an Krais Jiizas an dem a-go ruul wid im fi wan touzn ier.

1 Korintiyan 15:42

A so it a-go go wen Gad mek im piipl we ded kom bak alaiv. Di badi wa wi av nou, it kyan ded. An wen wi ded an dem beri wi, it a-go ratn. Bot wen Gad mek wi kom bak alaiv, di badi we wi a-go get, naa go kyan ded — it naa go ratn.

Revilieshan 22:9

bot di ienjel se tu mi se, “Nuo, no du dat! Mi a wan sorvant jos laik yu an yu breda — di prafit dem, an aal uu du we rait dong iina da buk ya. A Gad yu fi worship!

1 Korintiyan 15:26

An di laas enimi we im a-go get rid a, a det.

Maak 12:25

Kaaz wen ded piipl kom bak alaiv, man an uman naa go a get marid, dem a-go komiin laik di ienjel dem iina evn.

1 Korintiyan 15:49

An jos laik ou wi did av wan badi laik di man we mek outa dot, a siem so wan die wi a-go av wan badi laik di man we kom fram evn.

Ruoman 8:16

Gad Spirit an fi wi Spirit jain op tugeda an se dat wi a Gad pikni.