Luuk 20:21 - Di Jamiekan Nyuu Testiment

²¹ Di infaama dem kwestiyan Jiizas, “Tiicha, wi nuo se yu taak an tiich wa rait. Yu no paashal, bot yu tiich di rait sitn bout wa Gad waahn.

Luuk 20:21 ပူးပေါင်းရင်းမြစ်များ

Matyu 22:16

So dem sen som a fi dem falara plos Erad falara dem go a Jiizas. Dem se tu im se, “Tiicha, wi nuo se yu a taak chuut an yu riili a tiich di rait sitn bout wa Gad waahn. Yu no kier bout wa piipl tingk, kaa yu no paashal.

Maak 12:14

Dem go tu im an se, “Tiicha, wi nuo se yu taak di chuut kaaz yu naa luk no fren fram nobadi. Yu no paashal. Yu tiich di rait sitn bout wa Gad waahn piipl fi du. Tel wi, it rait fi wi pie taks tu Siiza, di Ruoman ruula? Wi fi pie it ar wi no fi pie it?”

Luuk 20:20

Den dem wach Jiizas laik wan aak. Dem aiya som man iina siikrit fi gwaan laik se dem anis, so ef im se notn rang dem kuda kech im an ton im uova tu di Ruoman govana we inchaaj a di ieriya.

Luuk 20:22

It rait fi wi pie taks tu Siiza, di Ruoman ruula, ar wi no fi pie notn?”

Jan 3:2

Im go luk fi Jiizas wan nait an se tu im se, “Tiicha, wi nuo se a Gad sen yu fi kom tiich, kaa nobadi kyaahn wok di mirikl dem we yu wok, ef a no Gad a kaaz dem fi dwi'it.”

2 Korintiyan 2:17

Wi no komiin laik nof ada piipl we chriit Gad wod laik a sopm chiip we dem kyan sel an mek moni. Nuo! Gad sen wi fi tiich im Wod an chuu wi a Jiizas sorvant dem wi aalwiez tiich di chuut laik se Gad did tan op rait infronta wi.

Gyalieshan 1:10

Nou, wen mi taak so, a uu unu tingk mi a chrai fi win uova, Gad ar man? A uu unu tingk mi a chrai fi mek api? Ef mi did stil a chrai fi mek piipl api wid mi, mi wudn bi wan sliev fi Krais Jiizas.

Gyalieshan 2:6

Di impuotant liida dem iina Jeruusilem (mi no bizniz wid ou impuotant di liida dem bi, kaaz Gad no luk pan dat, im no paashal) — dem neva ad notn tu di mesij we mi priich.